Спіс клубных чэмпіёнаў свету па футболе

З пляцоўкі Вікіпедыя
Jump to navigation Jump to search

Клубны чэмпіён свету па футболе — тытул, які прысвойваецца футбольнаму клубу, які атрымаў перамогу ў афіцыйным турніры за гэтае званне[1][2][3][4]. У цяперашні час тытул прысвайваецца пераможцу клубнага чэмпіянату свету па футболе, які праводзіцца пад эгідай ФІФА.

Міжкантынентальны кубак[правіць | правіць зыходнік]

Міжкантынентальны кубак па футболе (англ.: Intercontinental Cup) — футбольнае спаборніцтва, якое праводзілася еўрапейскай і паўднёваамерыканскай канфедэрацыямі паміж пераможцамі галоўных клубных турніраў гэтых кантынентаў (болей развітых, чым усе астатнія у свеце футбола): Лігі чэмпіёнаў УЕФА (раней — Кубак еўрапейскіх чэмпіёнаў) і Кубка Лібертадорэс. Міжкантынентальны кубак разыгрываўся штогод пачынаючы з 1960 года, а з 1980 года фіналы праводзіліся толькі ў Японіі.

Міжкантынентальны кубак па футболе

Часам Міжкантынентальны кубак называлі клубным чэмпіянатам свету, пакуль Клубны чэмпіянат свету па футболе не пачаў праводзіцца пад эгідай ФІФА ў 2000 годзе. З 2005 года Міжкантынентальны кубак канчаткова спыніў існаванне і быў заменены Клубным чэмпіянатам свету ФІФА.

Апошнім уладальнікам Кубка быў партугальскі клуб «Порту», які перамог калумбійскі клуб «Онсэ Кальдас» у серыі пенальці ў 2004 годзе. 27 кастрычніка 2017 года ФІФА афіцыйна прызнала ўсе каманды-пераможцы Міжкантынентальнага кубка клубнымі чэмпіёнамі свету[5][2].

Клубны чэмпіянат свету[правіць | правіць зыходнік]

Клубны чэмпіянат свету па футболе ці Клубны чэмпіянат свету ФІФА (англ.: FIFA Club World Cup, раней вядомы як англ.: FIFA Club World Championship) — спаборніцтва паміж наймацнейшымі прадстаўнікамі шасці кантынентальных канфедэрацый (хоць з 2007 года пераможца Лігі чэмпіёнаў ОФК павінен гуляць плэй-оф супраць клуба-чэмпіёна краіны-гаспадаркі турніру). Клубны чэмпіянат свету праводзіцца галоўным органам сусветнага футбола — ФІФА, турнір вызначае чэмпіёнаў свету[3][1].

Першы розыгрыш клубнага чэмпіянату свету ФІФА (англ.: FIFA Club World Championship) адбыўся ў Бразіліі ў студзені 2000 года. Ён быў прызнаны ФІФА ў якасці правапераемніка Міжкантынентальнага кубка, які разыгрываўся штогод у Якагаме (Японія) паміж пераможцам Лігі чэмпіёнаў УЕФА і ўладальнікам Кубка Лібертадорэс. Пасля чатырохгадовага перапынку, турнір пад новай назвай (англ.: FIFA Club World Cup) зноў пачаў праводзіцца з 2005 года.

Спіс клубных чэмпіёнаў свету[правіць | правіць зыходнік]

Kлуб Федэрацыя Усяго перамог Міжкантынентальны кубак Клубны чэмпіянат свету па футболе
Рэал Мадрыд Сцяг Іспаніі Іспанія 7 3 (1960, 1998, 2002) 4 (2014, 2016, 2017, 2018)
Мілан Сцяг Італіі Італія 4 3 (1969, 1989, 1990) 1 (2007)
Пеньяроль Сцяг Уругвая Уругвай 3 3 (1961, 1966, 1982)
Насьяналь Сцяг Уругвая Уругвай 3 3 (1971, 1980, 1988)
Бока Хуніярс Сцяг Аргенціны Аргенціна 3 3 (1977, 2000, 2003)
Сан-Паўлу Сцяг Бразіліі Бразілія 3 2 (1992, 1993) 1 (2005)
Інтэрнацыянале Сцяг Італіі Італія 3 2 (1964, 1965) 1 (2010)
Баварыя Сцяг Германіі Германія 3 2 (1976, 2001) 1 (2013)
Барселона Сцяг Іспаніі Іспанія 3 3 (2009, 2011, 2015)
Сантус Сцяг Бразіліі Бразілія 2 2 (1962, 1963)
Індэпенд’ентэ Сцяг Аргенціны Аргенціна 2 2 (1973, 1984)
Аякс Сцяг Нідэрландаў Нідэрланды 2 2 (1972, 1995)
Ювентус Сцяг Італіі Італія 2 2 (1985, 1996)
Порту Сцяг Партугаліі Партугалія 2 2 (1987, 2004)
Манчэстэр Юнайтэд Сцяг Англіі Англія 2 1 (1999) 1 (2008)
Карынтыянс Сцяг Бразіліі Бразілія 2 2 (2000, 2012)
Расінг Сцяг Аргенціны Аргенціна 1 1 (1967)
Эстудыянтэс Сцяг Аргенціны Аргенціна 1 1 (1968)
Феенорд Сцяг Нідэрландаў Нідэрланды 1 1 (1970)
Атлетыка Сцяг Іспаніі Іспанія 1 1 (1974)
Алімпія Сцяг Парагвая Парагвай 1 1 (1979)
Фламенгу Сцяг Бразіліі Бразілія 1 1 (1981)
Грэміу Сцяг Бразіліі Бразілія 1 1 (1983)
Рывер Плэйт Сцяг Аргенціны Аргенціна 1 1 (1986)
Црвена Звезда Сцяг Югаславіі Югаславія 1 1 (1991)
Велес Сарсфілд Сцяг Аргенціны Аргенціна 1 1 (1994)
Барусія Дортмунд Сцяг Германіі Германія 1 1 (1997)
Інтэрнасьянал Сцяг Бразіліі Бразілія 1 1 (2006)

Зноскі

  1. 1,0 1,1 "FIFA Club World Championship TOYOTA Cup 2005" (PDF). FIFA Report 2005 страницы: 5, 19. (Цюрых: Fédération Internationale de Football Association). December 2005. https://www.fifa.com/mm/document/afdeveloping/technicaldevp/50/04/37/cwc_05_japan_tr_148.pdf. 
  2. 2,0 2,1 "FIFA Club World Cup 2017" (PDF). FIFA Report 2017 страницы: 15, 40, 41, 42. (Цюрых: Fédération Internationale de Football Association). December 2017. http://resources.fifa.com/mm/document/fifafacts/mencompcwc/02/67/91/87/statskit_fcwc2017_event_neutral.pdf. 
  3. 3,0 3,1 "FIFA Club World Cup 2017" (PDF). FIFA Regulation CWC 2017 страница 37. (Цюрых: Fédération Internationale de Football Association). December 2017. http://resources.fifa.com/mm/document/tournament/competition/02/91/82/38/fcwc2017uaeregulations_en_neutral.pdf. 
  4. FIFA Council approves key organisational elements of the FIFA World Cup (англ.) . ФІФА (27 кастрычніка 2017). — «Recognition of all European and South American teams that won the Intercontinental Cup – played between 1960 and 2004 – as club world champions»  Праверана 29 кастрычніка 2017.
  5. FIFA Council approves key organisational elements of the FIFA World Cup (англ.) . ФІФА (27 кастрычніка 2017). — «Recognition of all European and South American teams that won the Intercontinental Cup – played between 1960 and 2004 – as club world champions»  Праверана 29 кастрычніка 2017.