Сяргей Іванавіч Барташ

Сяргей Іванавіч Барташ
старшыня Бярозаўскага раённага выканаўчага камітэта[d] 20 кастрычніка 2020 — 3 кастрычніка 2022
Папярэднік	Леанід Аляксеевіч Мартынюк[d]
памочнік Прэзідэнта Рэспублікі Беларусь — інспектар па Гомельскай вобласці[d] з 3 кастрычніка 2022
Папярэднік	Мікалай Міхайлавіч Рагашчук[d]
Нараджэнне	5 красавіка 1974(1974-04-05) (48 гадоў) Рапяхі, Лінаўскі сельсавет, Пружанскі раён, Брэсцкая вобласць, БССР, СССР
Адукацыя	Гродзенскі дзяржаўны аграрны ўніверсітэт Інстытут павышэння кваліфікацыі і перападрыхтоўкі БрДТУ Акадэмія кіравання пры Прэзідэнце Рэспублікі Беларусь
Дзейнасць	дзяржаўны служачы

Сяргей Іванавіч Барташ (нар. 5 красавіка 1974, в. Рапяхі, Пружанскі раён) — беларускі дзяржаўны дзеяч.

Біяграфія

Нарадзіўся ў 1974 годзе ў вёсцы Рапяхі Пружанскага раёна Брэсцкай вобласці. Скончыў Гродзенскі дзяржаўны сельскагаспадарчы інстытут, Інстытут павышэння кваліфікацыі і перападрыхтоўкі кадраў Брэсцкага дзяржаўнага тэхнічнага ўніверсітэта, Акадэмію кіравання пры Прэзідэнце Рэспублікі Беларусь. Працоўную дзейнасць пачынаў аграномам, галоўным аграномам у калгасах імя Чапаева і «Дружба» Пружанскага раёна. Больш за дзесяць гадоў узначальваў ААТ «Лінаўскае» Пружанскага раёна, быў дэпутатам Пружанскага райсавета.

У 2016 годзе назначаны намеснікам старшыні, затым першым намеснікам старшыні — начальнікам упраўлення па сельскай гаспадарцы і харчаванні Кобрынскага райвыканкама. У 2019—2020 гады ўзначальваў камітэт па сельскай гаспадарцы і харчаванні Брэсцкага аблвыканкама, з 20 кастрычніка 2020 года старшыня Бярозаўскага райвыканкама. 3 кастрычніка 2022 года прызначаны памочнікам Прэзідэнта Рэспублікі Беларусь — інспектарам па Гомельскай вобласці.