Васіль Севасцьянавіч Лявонаў

З пляцоўкі Вікіпедыя
Jump to navigation Jump to search
Васіль Севасцьянавіч Лявонаў
Васіль Севасцьянавіч Лявонаў
Міністр сельскай гаспадаркі і харчавання Беларусі
4 жніўня 1994 — 19 лістапада 1997
Прэм’ер-міністр: Міхаіл Чыгір
Сяргей Лінг
Прэзідэнт: Аляксандр Лукашэнка
Папярэднік: Фёдар Мірачыцкі
Пераемнік: Іван Шакола
 
Партыя:
Адукацыя:
Дзейнасць: палітык
Член у:
Нараджэнне: 16 красавіка 1938(1938-04-16)
Смерць: 4 студзеня 2015(2015-01-04) (76 гадоў)
 
Узнагароды:
Ордэн Леніна

Васі́ль Севасцья́навіч Ляво́наў (16 красавіка 1938, в. Дубянец, Касцюковіцкі раён, Магілёўская вобласць — 4 студзеня 2015) — дзяржаўны дзеяч Беларусі.

Жыццяпіс[правіць | правіць зыходнік]

У 1964 скончыў Беларускі інстытут механізацыі сельскай гаспадаркі, а потым Мінскую вышэйшую партыйную школу.

Працаваў цесляром, шахцёрам, інжынерам-механікам, старшынём саўгаса.

Напрыканцы 1980-х В. Лявонаў быў першым сакратаром Магілёўскага абкаму КПБ​.

У 1984-89 дэпутат Вярхоўнага Савета СССР, старшыня Мандатнай камісіі.

У 1991 на некалькі месяцаў прызначаны вядучым спецыялістам Галоўнага ўпраўлення эканамічных сувязей з капіталістычнымі краінамі ў Маскве. Пасля быў накіраваны гандлёвым прадстаўніком Беларусі ў Германію (1991-94).

Падчас выбараў першага прэзідэнта Беларусі В. Лявонаў падтрымліваў В. Кебіча, але затым прыняў прапанову А. Лукашэнкі заняць пасаду міністра сельскай гаспадаркі і харчавання. Паслядоўна выступаў з прапановамі аб рэфармаванні сельскай гаспадаркі, далучэнні яе да рынкавай эканомікі, вызваленні ад камандна-адміністрацыйных метадаў[2].

В. Лявонаў не падтрымаў ідэю рэфэрэндуму 1996 года, пасля чаго ў міністэрстве пачаліся масіраваныя праверкі. Васіль Лявонаў быў арыштаваны 11 лістапада 1997 года ў працоўным кабінеце. Яго арышт здымала група з Беларускага тэлебачання. Экс-міністру былі прад'яўленыя абвінавачанні па артыкулах Крымінальнага кодэкса РБ: 91.1 — «крадзеж маёмасці ў асабліва буйных памерах», 169 — «атрыманне хабару» і 213 — «незаконнае захоўванне баявых прыпасаў і зброі». На судзе В. Лявонаў віны не прызнаў, заявіўшы, што лічыць сваё зняволенне палітычнай справай. 14 студзеня 2000 г. Васіль Лявонаў прызнаны Вярхоўным судом вінаватым у хабарніцтве і крадзяжы дзяржаўнай маёмасці ды пакараны 4 гадамі калоніі з канфіскацыяй маёмасці. Вызвалены 5 кастрычніка 2000 г. паводле амністыі.

У 2001 г. узначаліў аргкамітэт руху «За новую Беларусь». Напісаў кнігу мемуараў.

Памёр 4 студзеня 2015.

Зноскі

Спасылкі[правіць | правіць зыходнік]