Перайсці да зместу

Ігар Вячаслававіч Брыло

З Вікіпедыі, свабоднай энцыклапедыі
Ігар Вячаслававіч Брыло
Сцяг15-ы міністр сельскай гаспадаркі і харчавання Беларусі Сцяг
10 лютага 2022 — 28 ліпеня 2023
Прэзідэнт Аляксандр Лукашэнка
Кіраўнік урада Раман Галоўчанка
Папярэднік Іван Крупко
Пераемнік Сяргей Барташ
Нараджэнне 18 чэрвеня 1972(1972-06-18)[1] (52 гады)
Партыя
Адукацыя
Навуковая ступень кандыдат сельскагаспадарчых навук[1]
Навуковае званне

Ігар Вячаслававіч Брыло (нар. 18 чэрвеня 1972, Барысаў, Мінская вобласць, БССР) — беларускі дзяржаўны дзеяч, кандыдат сельскагаспадарчых навук (2008), дацэнт. Міністр сельскай гаспадаркі і харчавання Рэспублікі Беларусь (2022—2023).

Біяграфія

[правіць | правіць зыходнік]

Нарадзіўся 18 чэрвеня 1972 года ў Барысаве.

Скончыў сярэднюю школу № 19 (цяпер — гімназія № 1) г. Барысава. У 1996 годзе скончыў Віцебскую дзяржаўную акадэмію ветэрынарнай медыцыны па спецыяльнасці «Ветэрынарыя». У 2008 годзе скончыў Беларускі дзяржаўны эканамічны ўніверсітэт па спецыяльнасці «Эканоміка і кіраванне на прадпрыемстве». У 2015 годзе — Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне».

У 1996—2006 гадах працаваў ветэрынарным урачом у Барысаве. У 1996—1998 гадах — ветэрынарны ўрач-эпізатолаг Барысаўскай раённай станцыі па барацьбе з хваробамі жывёл, у 1998—2002 гадах — вядучы ветэрынарны ўрач Барысаўскай гарадской ветэрынарнай станцыі. У 2002—2004 гадах — ветэрынарны ўрач канвеернай лініі, начальнік вытворчай лабараторыі ААТ «Барысаўскі мясакамбінат». У 2004—2006 гадах — начальнік Барысаўскай гарадской ветэрынарнай станцыі — галоўны ветэрынарны ўрач Барысава.

У 2006—2011 гадах займаў шэраг кіруючых пасад на прадпрыемствах Мінскай вобласці і Мінска. У 2006—2009 гадах — дырэктар Смалявіцкай бройлернай птушкафабрыкі. З лютага 2009 года па ліпень 2009 года — першы намеснік дырэктара па вытворчасці РУП «Эксперыментальная база „Жодзіна“». У 2009—2010 гадах — намеснік дырэктара Рэспубліканскага вытворча-гандлёвага унітарнага прадпрыемства «Беларусьгандаль» Кіраўніцтва справамі Прэзідэнта Рэспублікі Беларусь. З лютага 2010 года па кастрычнік 2010 года — намеснік дырэктара па камерцыйных пытаннях УП «Барысаўскі камбінат хлебапрадуктаў». У 2010—2011 гадах — дырэктар адкрытага акцыянернага таварыства «Барысаўская Аграпрамтэхніка».

У 2011—2013 гадах — першы намеснік старшыні, начальнік упраўлення сельскай гаспадаркі і харчавання Барысаўскага раённага выканаўчага камітэта.

У 2013—2021 гадах — намеснік Міністра сельскай гаспадаркі і харчавання Рэспублікі Беларусь. З 2021 да 2022 года — першы намеснік Міністра сельскай гаспадаркі і харчавання Рэспублікі Беларусь. З 10 лютага 2022 года — Міністр сельскай гаспадаркі і харчавання Рэспублікі Беларусь[3], 18 лютага 2022 года быў прызначаны ўпаўнаважаным прадстаўніком Кіраўніка дзяржавы ў Мінскай вобласці[4].

У чэрвені 2021 года — першай палове 2022 года быў членам апякунскага савета Беларускай федэрацыі шахмат[5][6]. 6 сакавіка 2023 года абраны старшынёй Беларускай федэрацыі коннага спорту[7][8].

28 ліпеня 2023 года вызвалены ад пасады Міністра сельскай гаспадаркі і харчавання і прызначаны памочнікам Прэзідэнта Рэспублікі Беларусь — інспектарам па Віцебскай вобласці[9]. Станам на пачатак лістапада 2023 года быў членам Вышэйшага палітычнага савета партыі «Белая Русь»[10] і членам прэзідыума названага органа. 24 лістапада 2023 года вызвалены ад пасады памочніка Прэзідэнта Рэспублікі Беларусь — інспектара па Віцебскай вобласці ў сувязі з учыненнем праступка, несумяшчальнага са знаходжаннем на дзяржаўнай грамадзянскай службе[11].

Зноскі

  1. ↑ а б в г д https://web.archive.org/web/20220212144413/http://www.mshp.gov.by/about/ruk/1zam/fc0d6fe66acb0a27.html
  2. ↑ а б http://mshp.gov.by/about/ruk/1zam/fc0d6fe66acb0a27.html
  3. ↑ Ігар Брыло назначаны міністрам сельскай гаспадаркі і харчавання
  4. ↑ https://president.gov.by/be/events/obnovlen-sostav-upolnomochennyh-predstaviteley-glavy-gosudarstva-po-regionam-1645198372
  5. ↑ https://belisrael.info/?p=30003
  6. ↑ https://belisrael.info/?p=31250
  7. ↑ Итоги перевыборной Конференции общественного объединения «Белорусская федерация конного спорта»(недаступная спасылка). Архівавана з першакрыніцы 30 ліпеня 2023. Праверана 30 ліпеня 2023.
  8. ↑ Архіўная копія(недаступная спасылка). Архівавана з першакрыніцы 6 сакавіка 2023. Праверана 6 сакавіка 2023.
  9. ↑ Указ Президента Республики Беларусь от 28 июля 2023 года № 229 «Об И. В. Брыло»
  10. ↑ АЛИМОВА, Елена. В Витебске обсудили перспективы партийного строительства (руск.). www.sb.by (3 лістапада 2023). Праверана 27 лістапада 2023.
  11. ↑ Указ Президента Республики Беларусь от 24 ноября 2023 года № 374 «Об И. В. Брыло»

Спасылкі

[правіць | правіць зыходнік]
Узята з "https://be.wikipedia.org/w/index.php?title=Ігар_Вячаслававіч_Брыло&oldid=4848077"