Сёгда

Вёска Сёгда Краіна Беларусь Вобласць Гродзенская Раён Карэліцкі Сельсавет Райцаўскі Каардынаты 53°29′36″ пн. ш. 25°57′57″ у. д. Насельніцтва ▼22 чал. (2009) Часавы пояс UTC+3 Тэлефонны код +375 1596 Паштовыя індэксы 231452 Аўтамабільны код 4 СААТА 4233830076 Сёгда на карце Беларусі ±

Сёгда на Вікісховішчы

Сёгда (трансліт.: Siohda, руск.: Сёгда) — вёска ў Карэліцкім раёне Гродзенскай вобласці. Уваходзіць у склад Райцаўскага сельсавета.

Назва

Назва Сёгды пайшла ад адпаведнай назвы рэчкі, якая, у сваю чаргу, мае балцка-яцвяжскае паходжанне. Пра гэта сведчыць элемент -da у назве, які пайшоў ад яцвяжскага *udā «вада, рака» (роднасна лат. ūdens, пруск. (w)undan, літ. vanduo).

Рака Сёгда каля вёскі Руднікі

Так жа сама ўтвораныя і рачныя назвы Ясельда, Грыўда, Нёўда, Саколда, Голда. У прусаў вядомы ўтвораны блізкім чынам рэліктавы гідронім Asege-wad «Яршовае возера».

Назвы з элементам -da паказваюць арэал менш-больш паміж Наваградкам на ўсходзе, Беластокам на захадзе і Івацэвічамі на поўдні. У гэтым арэале вядомыя і іншыя выразныя яцвяжскія гідронімы: Свіцязь, Сіпа, Зэльва, *Zeita (> Zietela > Дзятлава), у якіх бачны пераход усходнябалцкага š, ž у заходнябалцкае s, z.

Антрапанімія

Паводле надпісаў на надмагіллях на могілках вёскі Сёгда, у ХХ стагоддзі тут бытавалі антрапонімы Сак (найбольш распаўсюджанае), Ждан, Уласевіч, Чубрык, Клаўсуць, Шэга, Ралла і інш.

Вядомыя асобы

• Аляксандр Мікалаевіч Сак (1890—1937) — беларускі паэт.
• Віктар Пятровіч Сташчанюк (1933—2007) — беларускі мастак.

Спасылкі

• На Вікісховішчы ёсць медыяфайлы па тэме Сёгда