Тамаш Казімір Сапега

Тамаш Казімір Сапега
Тамаш Казімір Сапега
	Tomasz Kazimierz Sapieha
	; Герб «Ліс»
4-ы Вялікі абозны літоўскі
	1649 — 30 сакавіка 1654
Папярэднік	Самуэль Асінскі
Пераемнік	Самуэль Камароўскі
Нараджэнне	1621
Смерць	30 сакавіка 1654; Белы Камень, Львоўская зямля, Рускае ваяводства, Малапольская правінцыя, Карона Каралеўства Польскага, Рэч Паспалітая;
Месца пахавання	Лукіў;
Род	Сапегі
Бацька	Фрыдэрык Сапега[d]
Маці	Ева са Скашэўскіх[d]
Жонка	Соф’я з Дарагастайскіх[d]
Дзеці	няма
Адукацыя	Люблінскі езуіцкі калегіум[d]; Ягелонскі ўніверсітэт; Балонскі ўніверсітэт; Падуанскі ўніверсітэт;
Званне	ротмістр

Тамаш Казімір Сапега (1621 — 30 сакавіка 1654, у вайсковым абозе пад Белым Камнем) — вялікалітоўскі дзяржаўны і ваенны дзеяч, абозны вялікі літоўскі (з 1649).

Біяграфія

Вучыўся ў езуіцкім калегіуме ў Любліне, у 1635 запісаўся Кракаўскую акадэмію. Пазней выехаў у Італію на вучобу ў Балонню і Падую. Таксама падарожнічаў па Германіі, Франціі і Англіі.

У 1648 стаў ротмістрам гусарскай харугвы. Удзельнічаў у бітве пад Піляўцамі. У 1649 знаходзіўся пад Зборавам, атрымаў пасаду абознага літоўскага. У 1650 на чале казацкай харугвы ўдзельнічаў у бітве пад Берасцечкам, дзе быў двойчы паранены.

Памёр 30 сакавіка 1654 года ў вайсковым абозе пад Белым Камнем.

Ажаніўся ў 1647 годзе з Соф’яй Дарагастайскай (1635—1653), дачкой чашніка літоўскага Уладзіслава Дарагастайскага. Праз гэты шлюб атрымаў спадчыну згаслага роду Дарагастайскіх (Дарагастаі, Мураваную Ашмянку і іншыя маёнткі). Дзяцей не пакінуў.