Уладзіслаў Паўлюкоўскі

Уладзіслаў Паўлюкоўскі
Асабістыя звесткі
Дата нараджэння:	1 (13) мая 1895
Месца нараджэння:	Ініца, Навагрудскі павет, Мінская губерня, Расійская імперыя
Дата смерці:	8 верасня 1955(1955-09-08) (60 гадоў)
Месца смерці:	Вільнюс, Літоўская ССР, СССР
Пахаванне:	Могілкі Роса
Альма-матар:	Харкаўскае дзяржаўнае мастацкае вучылішча[d]
Прафесійная дзейнасць
Род дзейнасці:	мастак, перакладчык, пісьменнік, паэт

Уладзіслаў Паўлюкоўскі (пс.: У-Ініцкі; Улад. Ініцкі; У. І. Ніцкі; Улад-Ініцкі; Унучак; У. Паў-скі; Ул. Паў-скі; У. І.; У.-І.; Ў. П.;) — (1 (13) мая 1895, в. Ініца, Наваградскі павет — 8 верасня (ці 8 лістапада) 1955, Вільня) — беларускі паэт, празаік, этнограф, краязнавец, мастак.

Біяграфія

Скончыў пачатковую школу ў Стоўбцах і гарадскую школу ў Навагрудку. Працаваў у канцылярыі князя Радзівіла. Вучыўся ў Харкаўскім мастацкім вучылішчы.

Падчас Першай сусветнай вайны служыў у расійскім войску ў чыне прапаршчыка. Ваяваў пад час грамадзянскай вайны ў Расіі.

У 1920 вярнуўся ў родную вёску Ініца. У сярэдзіне 1920-х пераехаў у Вільню. Прымаў удзел у дзейнасці БСРГ.

Пачаў друкавацца з 1926 года. Творы пабачылі свет у часопісах «Маланка», «Шлях моладзі», «Авадзень». Яго графіка аздабляла мастацкія кніжкі, календары, падручнікі.

У 1926 годзе арыштаваны, зняволены ў Лукішках. Дзякуючы апеляцыйнаму суду вызваліўся ў 1927 годзе.

На працягу 1928—1929 выдаў тры кнігі; (частка з іх прысвечаны вязніцы: вершы «Лукішкі», «Дзень у адзіночцы», «У вастрозе», «Відзежа ў вастрозе»). Перакладаў расійскіх класікаў (Л. Талстой, М. Зошчанка).

Ізноў арыштаваны ў 1939, Змешчаны ў канцлагер Бяроза-Картузскі. Пасля нападу СССР на Польшчу, вызваліўся. Пакінуў успаміны пра знаходжанне ў лагеры «Арышты; Бяроза і Воля».

З 1940 супрацоўнік Беларускага музея імя І. Луцкевіча. З 1945 да 1948 — дырэктар Літаратурнага музея А. Пушкіна ў Вільні.

29 жніўня 1948 арыштаваны. Перавезены ў Мінск. Асуджаны да 10 гадоў лагераў. Вызвалены ў 1953. Вярнуўся ў Вільню паралізаваным. Пахаваны на віленскіх могілках Роса.

Творчасць

• Сон Гаўрылы і розныя вершы. Вільня, 1928
• Апавяданні. Вільня, 1929
• Клім бабаю і іншыя жарты. Вільня, 1929
• Арышты; Бяроза і Воля (1 частка), 2-я частка, успаміны. 1940

Літаратура

• ПАУЛЮКОЎСКІ Уладзіслаў // Маракоў Л.У. Рэпрэсаваныя праваслаўныя свяшчэнна- і царкоўнаслужыцелі Беларусі 1917—1967: Энцыклапедычны даведнік: У 2 т. Т. 1. — Мн:, 2007.
• Багдановіч Вячаслаў // Беларускія рэлігійныя дзеячы XX ст.: Жыццярысы, мартыралогія, успаміны / аўтар-укладальнік: Ю. Гарбінскі. — Менск-Мюнхен: Беларускі кнігазбор, 1999. — ISBN 985-6318-65-3