Царква Святога Іосіфа (Іжа)

З пляцоўкі Вікіпедыя
Перайсці да: рух, знайсці
Царква Святога Іосіфа ў Іжы

Іосіфаўская царква — праваслаўны храм у в. Іжа Вілейскага раёна Мінскай вобласці.

Гісторыя[правіць | правіць зыходнік]

Старая царква ў пачатку XX ст.

На могілках. Пабудавана ў 1922 — 29 гг. з дрэва на месцы храма 19 ст. (да 1890), рэканструявана ў пачатку 21 ст.

Архітэктура[правіць | правіць зыходнік]

Твор архітэктуры ў стылізаваных формах царкоўнай архітэктуры другой паловы 19 ст. Трохчастковую кампазіцыю фарміруюць трох'ярусны (васьмярык на 2 чацверыках) прытвор-званіца, прамавугольная ў плане малітоўная зала і апсіда. двухсхільны дах завершаны па цэнтры высокім цыліндрычным барабанам з цыбулепадобным купалам. Фасады прарэзаны арачнымі аконнымі праёмамі. Уваход аформлены двухслуповым ганкам пад двухсхільным пакрыццём.

Папярэдні храм з'яўляўся творам народнага драўлянага дойлідства з асацыяцыйнымі рысамі гатычнай архітэктуры. Вертыкальнасць кампазіцыі надавалі бакавыя чацверыковыя вежы франтальнага фасада, высокі франтон двухсхільнага даху паміж імі, вертыкальная шалёўка фасадаў і вежаў, прапарцыянальныя суадносіны вышыні зруба і даху (1:1). Строгасць і выразнасць будынка былі абумоўлены адсутнасцю дэкору. Адзінай пластычнай формай з'яўляліся цыбулепадобныя галоўкі над сферычнымі купаламі вежаў. Перад царквой стаяла мураваная брама ў выглядзе 2 адасобленых пілонаў, 1-ы ярус якіх меў арачны праход, 2-і - адкрытую слуповую галерэю-званіцу пад вальмавым гонтавым дашком.

Літаратура[правіць | правіць зыходнік]

  • Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі[правіць | правіць зыходнік]