Юрый Аляксандравіч Пуплікаў

	Юрый Аляксандравіч Пуплікаў
	В. Альшэўскі. Архітэктар Ю. Пуплікаў
	Старшыня Дзяржаўнага камітэта Савета Міністраў БССР па справах будаўніцтва
1986 — 1990
Прэм’ер-міністр:	Міхаіл Кавалёў; Вячаслаў Кебіч
Папярэднік:	Уладзімір Еўтух
Пераемнік:	пасада скасаваная
	Старшыня Дзяржаўнага камітэта БССР па архітэктуры і будаўніцтву
21 лютага 1991 — 19 верасня 1991
Прэм’ер-міністр:	Вячаслаў Кебіч
Папярэднік:	пасада ўтвораная
Пераемнік:	пасада скасаваная
	Старшыня Дзяржаўнага камітэта Рэспублікі Беларусь па архітэктуры і будаўніцтву
19 верасня 1991 — 26 студзеня 1993
Прэм’ер-міністр:	Вячаслаў Кебіч
Папярэднік:	пасада ўтвораная
Пераемнік:	Рыгор Цішкевіч
Адукацыя:	Беларускі політэхнічны інстытут (1960);
Нараджэнне:	12 жніўня 1935; Арзамас, Арзамаскі раён[d], Горкаўскі край[d], РСФСР, СССР;
Смерць:	2006
Узнагароды:	Заслужаны будаўнік Беларускай ССР[d]

У Вікіпедыі ёсць артыкулы пра іншых асоб з прозвішчам Пуплікаў.

Ю́рый Алякса́ндравіч Пу́плікаў (12 жніўня 1935, г. Арзамас Горкаўскай вобласці (цяпер Ніжагародская вобласць) — 14 лютага 2006) — беларускі дзяржаўны дзеяч, былы старшыня Дзяржаўных камітэтаў Беларускай ССР і Рэспублікі Беларусь по справах будаўніцтва (1986-1993^[1]), заслужаны будаўнік БССР.

Біяграфія[правіць | правіць зыходнік]

У розныя гады ўзначальваў мінскі будаўнічы трэст № 5, які адбудоўваў мінскія трактарны завод, аўтамабільны завод, маторны, шарыкападшыпнікавы, вытворчых аб'яднанняў «Інтэграл» і «Гарызонт», будаўнічы трэст № 37, які пачаў будаўніцтва горада Лангепаса. Працаваў намеснікам старшыні Мінскага гарадскога выканкама, намеснікам міністра прамысловага будаўніцтва БССР — начальнікам камбіната «Мінскбуд».

У 1983 годзе ўзначаліў будаўніцтва мінскага метрапалітэна^[2], пад яго кіраўніцтвам будаўніцтва 1-й чаргі Мінскага метро было скончана на 10 месяцаў раней за намечаны тэрмін.

З 1986 па 1990 гады быў рэдактарам часопіса «Будаўніцтва і архітэктура Беларусі».^[3]

З 1998 года быў старшынёй Саюзу будаўнікоў Рэспублікі Беларусь.

Майстар спорту па веласіпеднаму спорту, уваходзіў у зборную БССР.

Пуплікаў Юрый Аляксандравіч // Памяць: Мінск: гіст. -дак. хронікі гарадоў і райнаў Беларусі: (5 кн.) / рэдкал.: Г. П. Пашкоў (гал. рэд.) (і інш.). — Мінск, 2007. — Кн.5, ч.2 — С. 479
Беларуская Сібір. Нарысы аб беларусах, якія ўдзельнічалі ў асваенні Заходняй Сібіры, М., Прафвыдат 2002
Некралог