Аршова (рум.: Orşova) — горад у Румыніі, уваходзіць у склад жудзеца Мехедынцы. Размешчаны на рацэ Дунай пры ўпадзенні ў яго ракі Чэрна, у цясніне Жалезныя вароты. У II—III стагоддзях н. э. у гэтым раёне існаваў старажытнарымскі лагер Дзьерна, разбураны падчас вялікага перасялення народаў. Пасля стварэння каскада ГЭС на Дунаі, тут узнікла вадасховішча Жалезныя Вароты, і стары горад быў ім затоплены ў 1970 годзе. Насельніцтва было перамешчана на больш высокія тэрасы ракі ў 1966—1971 гадах у спецыяльна збудаваныя мікрараёны, якія таксама паглынулі вёскі Жупальнік, Туфар і Карамнік.
