Антананарыву

Горад Антананарыву малаг.: Antananarivo Герб Сцяг Краіна Мадагаскар Каардынаты 18°56′19″ пд. ш. 47°31′17″ у. д. Заснаваны 1625 Плошча 88 000 000 м² Вышыня цэнтра 1 276 ± 1 м Водныя аб’екты Ikopa River[d] Насельніцтва ▼1 275 207 чал. (2018) Часавы пояс UTC+3 Афіцыйны сайт antananarivo.mg (фр.) Антананарыву на карце Мадагаскара

Медыяфайлы на Вікісховішчы

Вуліца Антананарыву

Антананары́ву (Antananarivo), раней Тананарывэ — сталіца Мадагаскара і правінцыі Антананарыву. Знаходзіцца ў цэнтральнай частцы востарава на вышыні 1400 м над узроўнем мора. Насельніцтва налічвае 1,4 млн чалавек. Гэта самы вялікі горад на востраве, з’яўляецца адміністрацыйным, эканамічным, навуковым цэнтрам краіны. Мае развітыя харчовую і тытунёвую прамысловасці. Мясцовыя жыхары называюць горад «Тана».

Назва Антанарыву азначае «Горад тысячы ваяроў». У каланіяльныя часы і ў першыя гады незалежнасці, ужывалася назва Тананарывэ (Tananarive).

Чыгунка злучае горад з усходнім узбярэжжам, раёнам возера Алаотра і з горадам Анцырабэ. Ёсць міжнародны аэрапорт.

Гісторыя

Антананарыва была заснавана ў 1625 годзе. У 1797 годзе стала сталіцай каралеўства народа Мерына. Доўгі час у горадзе не было каменных будынкаў за выключэннем каралеўскага палацу Рува. Дзякуючы заваяванням караля Радамі І хутка стала сталіцай амаль усяго вострава. У 1895 годзе горад быў заняты французамі, якія далучылі яго да пратэктарату Мадагаскар.

Выбітныя асобы

• Клод Сімон — французскі пісьменнік
• Жан-Жазеф Рабеарывела — малагасійскі паэт
• Ранавалона II