Герб Воранава

Герб Воранава і Воранаўскага раёна
Дэталі
Зацверджаны	2006
Шчыт	іспанскі
Заснаванне	17 ліпеня 2006

Герб Воранава — адзін з сімвалаў гарадскога пасёлка Воранава і Воранаўскага раёна. Герб і сцяг зацверджаны Указам Прэзідэнта Рэспублікі Беларусь ад 17 ліпеня 2006 г. № 455.

Асновай для стварэння герба сталі элементы родавых гербаў Гаштольдаў i Сцыпіёнаў, якія ў мінулым доўгі час уладарылі на гэтых землях.

Апісанне

Герб уяўляе сабой іспанскі шчыт, перасечаны сплошчана-зубчастым падзелам, у верхнім блакітным полі якога намаляваны залаты леў з залатой каронай на галаве, які трымае ў лапах сярэбраную літару W; у ніжнім чырвоным — герб «Сцыпіён» — чатыры перакрыжаваныя бэлькі блакітнага колеру.

Гл. таксама

• Сцяг Воранава

Спасылкі

• На Вікісховішчы ёсць медыяфайлы па тэме Герб Воранава
• Указ Прэзідэнта Рэспублікі Беларусь ад 17 ліпеня 2006 г. № 455.