Заходняя Афрыка

Заходняя Афрыка
Кантынент	Афрыка
Знаходзіцца на беразе вадаёма	Атлантычны акіян
Знаходзіцца ў межах геаграфічнага аб’екта	Афрыка
Колькасць насельніцтва	429 459 920 чал. (2023)
Мяжуе з	Паўночная Афрыка і Цэнтральная Афрыка
Вывучаецца ў	West African studies[d]
Медыяфайлы на Вікісховішчы

Захо́дняя А́фрыка — умоўная назва часткі Афрыканскага кантынента, якая знаходзіцца на поўначы ад Гвінейскага заліва, і на поўдзень ад Сахары. Уключае абшары заходняга Сахелю, заходняга Судану; часткова тэрыторыя Заходняй Афрыкі занятыя трапічнымі лясамі.

Геаграфія

Паводле класіфікацыі ААН да Заходняй Афрыкі адносяцца наступныя краіны:

• Бенін
• Буркіна-Фасо
• Гамбія
• Гана
• Гвінея
• Гвінея-Бісау
• Ліберыя
• Малі
• Маўрытанія
• Нігер
• Нігерыя
• Сенегал
• Сьера-Леонэ
• Востраў Святой Алены
• Тога
• Каба-Вердэ
• Кот-д’Івуар

Часам да Заходняй Афрыкі адносяць і Заходнюю Сахару, Чад і Камерун.

Тэрыторыя Заходняй Афрыкі пераважна занятая раўнінамі (каля 300 м над узроўнем мора), тэрыторыі, якія ўздымаюцца вышэй, месцяцца толькі лакальна (самыя высокія ў Сьера-Леонэ і Камеруне). Клімат у асноўным паўсухі, расліннасць саванная, сухая пара цягнецца з лістапада да сакавіка. Трапічныя лясы сустракаюцца толькі на ўзбярэжжы Гвінейскага заліва, і на тэрыторыі Нігерыі і Камеруна. На паўночнай тэрыторыі Заходняй Афрыкі, у зоне Сахелю, прылягаючай да Сахары, расліннасць паўпустыная, у асноўным уздоўж рэк.

Праз Заходнюю Афрыку працякаюць некалькі вялікіх рэк:

• Нігер
• Вольта
• Сенегал
• Гамбія

Насельніцтва

На мяжы з Сахарай жывуць берберы і маўры з больш светлай скурай, на поўдні — нігера-кардафанскія народнасці. Значная колькасць насельніцтва Заходняй Афрыкі вызнае мясцовыя веравызнанні, таксама існуюць мусульмане, на ўзбярэжжы хрысціяне, якія з’явіліся ў выніку місіянерскай дзейнасці.

Гл. таксама

• Паўвостраў Бакасі