Зенітныя кодэксы Аль-Эфесбі
| Зенітныя кодэксы Аль-Эфесбі | |
|---|---|
| руск.: Зенитные кодексы Аль-Эфесби | |
| Аўтар | Віктар Алегавіч Пялевін |
| Мова арыгінала | руская |
| Дата першай публікацыі | 2010 |
«Зенітныя кодэксы Аль-Эфесбі» (руск.: «Зенитные кодексы Аль-Эфесби») — аповесць рускага пісьменніка Віктара Пялевіна, апублікаваная ў 2010 годзе ў зборніку «Ананасная вада для прыгожай дамы».
Змест
[правіць | правіць зыходнік].jpg)
Аповесць складаецца з дзвюх частак: «Freedom liberator» і «Савецкі рэквіем». У першай частцы апісваецца як амерыканцы, губляючы эфектыўнасць баявых дзеянняў у Афганістане з-за пастаянных уцечак інфармацыі ў WikiLeaks і наступных папрокаў у негуманных метадах вядзення вайны, вырашаюць выкарыстоўваць аўтаномны штучны інтэлект у беспілотных лятальных апаратах (дронах, БПЛА).
Апараты дзейнічаюць незвычайна эфектыўна аж да з’яўлення ў Афганістане рускага агента Савелія Скаценкова, які атрымаў там мянушку Аль-Эфесби (нібыта «з Эфеса», варыянт: з ФСБ). Пакрыўджаны на Расію і Захад, Скаценкоў распрацоўвае незвычайную абарону ад дронаў: піша на зямлі лозунгі, якія адцягваюць увагу штучнага інтэлекта, што прыводзіць БПЛА да аварый. Пасля пагаршэння адносін з Расіяй амерыканцам дамагліся адклікання Скаценкова, затым яго выкрадаюць ўжо з Расіі.
У кнізе змешчаны філасофскія развагі пра магчымасць штучнага інтэлекта і існаванне душы з алюзіямі да тэорый Алана Цьюрынга і Роджэра Пенроуза.
Другая частка аповесці — «Савецкі рэквіем» (алюзія да вядомага апавядання «Нямецкі рэквіем» Хорхэ Луіса Борхеса) складаецца з, магчыма, несапраўднага маналога Скаценкова ў турме ЦРУ, дзе яго павінны ў якасці пакарання ператварыць у хранічнага гульца на курсах валют.
