Святаслаў Яраславіч

Святаслаў Яраславіч
Святаслаў (крайні справа) з сям'ёй. Мініяцюра з Ізборніка 1073 г.
Князь чарнігаўскі 1054 — 1073
Папярэднік	княства адноўлена
Пераемнік	Усевалад Яраславіч
Вялікі князь кіеўскі 1073 — 1076
Папярэднік	Ізяслаў Яраславіч
Пераемнік	Усевалад Яраславіч
Нараджэнне	1027 Кіеў, Кіеўская Русь
Смерць	27 снежня 1076(1076-12-27) Кіеў, Кіеўская Русь
Род	Рурыкавічы
Бацька	Яраслаў Уладзіміравіч
Маці	Інгігерда
Жонка	1. Кілікія; 2. Ода Штадэнская
Дзеці	Глеб Святаславіч[d], Давыд Святаславіч, Алег Святаславіч, Вышаслава[d], Яраслаў Святаславіч[d] і Раман Святаславіч
Медыяфайлы на Вікісховішчы

Святаслаў Яраславіч, Святаслаў II (1027 — 1076) — князь чарнігаўскі (1054—1073), вялікі князь кіеўскі (1073—1076).

Сын Яраслава Мудрага. Разам з братамі Усеваладам Яраславічам і Ізяславам Яраславічам стварылі своеасаблівы княжацкі трыумвірат, які ў 1054—1072 гадах кіраваў усімі справамі на Русі. У 1060 годзе Святаслаў Яраславіч хадзіў на торкаў (у паходзе ўдзельнічаў і полацкі князь Усяслаў Брачыславіч з дружынай). У пачатку 1067 года браты Яраславічы перамаглі на рацэ Няміга князя Усяслава Брачыславіча (гл. Нямігская бітва). Летам таго ж года «на Ршы у Смаленска» браты прапанавалі Усяславу Брачыславічу правесці перагаворы. Аднак, нагледзячы на тое, што «цалавалі крыж чэсны Усяславу», па-здрадніцку захапілі яго і разам з сынамі пасадзілі ў турму-поруб у Кіеве. У 1068 годзе браты пацярпелі няўдачу ад полаўцаў на рацэ Альта (каля Пераяслава), аднак неўзабаве Святаслаў Яраславіч разбіў іх каля Сноўска. Разам з братамі з’яўляецца адным са складальнікаў «Рускай праўды» (т.зв. «Праўды Яраславічаў»). У 1073 годзе пры падтрымцы Усевалада адабраў у старэйшага брата Ізяслава велікакняжацкі трон. Па заказе Святаслава Яраславіча ў 1073 і 1076 гадах былі складзены «Ізборнікі Святаслава».

Літаратура

• Святаслаў Яраславіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).