Арол-карлік

З пляцоўкі Вікіпедыя
Перайсці да: рух, знайсці
Арол-карлік
Booted Eagle1.jpg
Навуковая класіфікацыя
Міжнародная навуковая назва

Hieraaetus pennatus Gmelin, 1788

Сінонімы
Aquila pennata
Арэал
выява

  Гнездавы арэал

  Круглы год

  Зімовая міграцыя

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   175568
NCBI   70275
EOL   915252

Арол-карлік (Aquila pennata, Hieraaetus pennatus) — драпежная птушка сямейства ястрабіныя.

Апісанне[правіць | правіць зыходнік]

Невялікі арол, целаскладам і памерамі больш блізкі да канюка. Даўжыня птушкі 50-60 см, маса не перавышае 900 г, размах крылаў каля 1,2 м. Трапляюцца птушкі цёмнай (больш-менш аднатоннай цёмна-бурай) і светлай (спіна бледна-бурая, ніз цела белы або бураваты, часам з папярочнымі стракацінамі) афарбоўкай. Патыліца і задні бок шыі крыху святлейшыя за спіну. Махавыя пёры чорна-бурыя. Хвост цёмна-буры з слабавыразным больш светлым папярочным малюнкам. Дзюба чарнаватая, васкавіца і лапы жоўтыя, кіпцюры чорныя. Характэрны голас - высокі звонкі посвіст, які паўтараецца.

Пашырэнне[правіць | правіць зыходнік]

Арэал разарваны. Гняздуе на паўночным захадзе Афрыкі і ў цёплым умераным клімаце Еўразіі. Ад Пiрэнейскага п-ва і Францыі распаўсюджаны лакальна праз цэнтральна-паўднёвую частку Еўропы (Грэцыя, Балканы, Славакія, поўнач Польшча), самкнутым арэалам праз Усходнюю Еўропу i Малую Азiю да Сярэдняй Азii. Дасягае Алтая, верхняй Лены і паўднёва-ўсходняй часткі Забайкалля. На Беларусі сустракаецца рэдка, толькі на поўдні, занесены ў Чырвоную кнгіу.

Бiятоп: старыя лiсцевыя, мяшаныя або хвойныя лясы з зарослымі палянамі або ў выглядзе лугоў, а таксама са скальнымі агаленнямі, паблiзу адкрытых тэрыторый. На поўдні арэала, у Паўночнай Афрыцы і на Каўказе — на вышыні да 1500-2000 м.

Амаль усюды пералётная птушка, зімуе ў тропіках Афрыкі і Паўднёвай Азіі. Вельмі мала птушак зімуе на поўдні Еўропы (паўднёвая Іспанія, Францыя, Грэцыя, Крыт) альбо ў паўночна-заходніх раёнах Афрыкі, у Егіпце і Ізраілі. Большасць зімуе ў Афрыцы ад Эфіопіі і цэнтральнай часткі Судана да Паўднёва-Афрыканскай Рэспублікі на поўдні, а таксама праз Чад і Нігерыю, Буркіна-Фасо, Малі, Сенегал да Залатога Узбярэжжа на захадзе.

Асаблівасці біялогіі[правіць | правіць зыходнік]

Палюе на дробных птушак, яшчарак, змей, грызуноў. Пераважна арнітафаг: ловіць шэрых курапатак, бакасаў, драчоў, галубоў, сарок, драздоў, кнігавак, дзятлаў, курэй. З млекакормячых нападае на хамякоў, андатраў, вадзяных пацукоў, жаўтагорлых мышэй, вавёрак.

Гняздуе ў лесе на дрэвах раз у год, у муры звычайна адно ці два яйкі. Гняздо пераважна на лісцевых або хваёвых дрэвах на вышыні 6-16 м над зямлёй, у верхняй частцы кроны, больш рэдка — на скальных выступах. У форме кола, плоскае, з сухiх галiн; высцiлка з тонкiх галiнак (часта з прымессю зялёнага лісця, свежай iгліцы сасны і травянiстых раслiн). Займае таксама гнёзды iншых вялiкiх птушках; часам гняздзiцца ў калонiях чапляў. Дыяметр гнязда 70-120 см, вышыня 40-60 см.

Яйкi 2 (часам 1-3), уздутыя, белыя са слабымі, невялікімі буравата-жаўтаватымi мазкамi (месцы больш густога размяшчэння плям вельмі зменлівыя) альбо зеленавата-белыя з нешматлiкiмi чырванаватымi мазкамi. Памеры: 56,5 х 46,0 мм.

Зноскі

Літаратура[правіць | правіць зыходнік]

  • Арол-карлік // БЭ ў 18 тамах. Т. 1. — Мн.: БелЭн, 1996, С. 501
  • Арол-карлік // Птушкі Еўропы: Палявы вызначальнік. — Варшава: Навуковае выдавецтва ПНВ, 2000. — 540 с.: іл. ISBN 83-01-13187-X
  • Арол-карлік // Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5