Перайсці да зместу

Іванычы

З Вікіпедыі, свабоднай энцыклапедыі
Пасёлак гарадскога тыпу
Іванычы
укр.: Іваничі
50°38′23″ пн. ш. 24°21′37″ у. д.HGЯO
Краіна  Украіна
Вобласць Валынская вобласць
Раён Уладзімірскі раён
Гісторыя і геаграфія
Першая згадка 1545
ПГТ з 1951
Плошча 23,6 км²
Вышыня цэнтра 206 м
Часавы пояс UTC+2, летам UTC+3
Насельніцтва
Насельніцтва 6200 чалавек (2022)
Шчыльнасць 287,5 чал./км²
Лічбавыя ідэнтыфікатары
Тэлефонны код +380-3372
Паштовы індэкс 45300
КААТУУ 0721155101
Код КАТАТТГ UA07020070010088055
Паказаць/схаваць карты


Іванычы (Украіна)
Іванычы
Іванычы


Мапа

Іванычы[1] (укр.: Іваничі) — пасёлак гарадскога тыпу у Валынскай вобласці Украіны, цэнтр Іванычаўскага раёна.

Першыя пісьмовыя згадкі пра паселішча адносяцца да 1545 г. У той час гэта была вёска ў Вялікім княстве Літоўскім. Пасля Люблінскай уніі 1569 г. Іванычы ўвайшлі ў склад Польшчы.

Згодна з рэестрам 1629 г., у той час у вёсцы знаходзілася 68 дамоў. Пасля трэцяга падзелу Рэчы Паспалітай у 1795 г. Іванычы ўвайшлі ў склад Расійскай імперыі.

У 1899 г. у вёсцы была адкрыта першая царкоўна-парафіяльная школа, якую ў 1911 г. наведвалі 36 вучняў. Падчас Першай сусветнай вайны Іванычы былі захопленыя аўстра-венгерскімі войскамі, якія знаходзіліся там да канца 1918 г. А ў пачатку 1919 г. Іванычы зноў аказваюцца пад уладай Польшчы.

Апошнія прыватныя ўладальнікі Іванычаў - шляхціцы Верацкія. Апошні граф А.С. Верацкі (1857-1922 гг.) быў нашчадкам рыцараў-крыжакоў, да пачатку 1919 г. сам вёў адміністрацыйнае кіраванне вёскай.

20 верасня 1939 г. вёска, як і ўся Заходняя Украіна, уваходзіць у склад СССР. У 1940 г. у Іванычах пачаў працаваць сельскі савет народных дэпутатаў працоўных. У час Другой сусветнай вайны з 22 чэрвеня 1941 г. па 20 ліпеня 1944 г. Іванычы знаходзіліся пад нямецкай акупацыяй.

У пасляваенны час у раёне моцна вырасла мясцовая прамысловасць і сельская гаспадарка. 10 сакавіка 1945 г. тут пачалося выданне раённай газеты. У студзені 1989 г. колькасць насельніцтва складала 7031 чалавек. У маі 1995 г. Кабінет міністраў Украіны зацвердзіў рашэнне аб прыватызацыі мясцовых райсельгастэхнікі, райсельгасхіміі і камбікормавага завода.

ГодКолькасць
2018 6 551 [2]
  1. ↑ Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»
  2. ↑ Державна служба статистики України Чисельність наявного населення України на 1 січня 2018 року — Київ: Держстат, 2018. Праверана 15 чэрвеня 2019.