Александроў (пасёлак)

Пасёлак Александроў Краіна Беларусь Вобласць Магілёўская Раён Магілёўскі Сельсавет Семукацкі Каардынаты 53°48′30″ пн. ш. 29°51′05″ у. д. Насельніцтва 8 чал. (2009) Часавы пояс UTC+3 Тэлефонны код +375 222 Паштовыя індэксы 213154 Аўтамабільны код 6 СААТА 7244848006 Александроў на карце Беларусі ±

Александро́ў (трансліт.: Alieksandroŭ, руск.: Александров) — пасёлак у Магілёўскім раёне Магілёўскай вобласці. Уваходзіць у склад Семукацкага сельсавета. Размешчана за 49 км на паўднёвы захад ад Магілёва, за 3 км ад чыгуначнай станцыі Семукачы на лініі Магілёў—Асіповічы. Рэльеф раўнінны, на захад мяжуе з лесам. Транспартныя сувязі па мясцовай дарозе і далей па шашы Магілёў—Бабруйск.

Гісторыя

Заснаваны ў пачатку 1920-х гг. перасяленцамі з суседніх вёсак. З 20 жніўня 1924 года ў Гарадзішчанскім сельсавеце Магілёўскага раёна Магілёўскай акругі (да 26 ліпеня 1930), з 20 лютага 1938 года ў Магілёўскай вобласці. У 1930-я г. пасялкоўцы ўступілі ў калгас.

У Вялікую Айчынную вайну з ліпеня 1941 года да 27 чэрвеня 1944 года акупіраваны нямецка-фашысцкімі захопнікамі. З 16 ліпеня 1954 года ў Семукацкім сельсавеце, з 22 ліпеня 1960 года ў Бокатаўскім сельсавеце, з 4 чэрвеня 1965 года зноў у Семукацкім сельсавеце. У 1990 годзе ў складзе саўгаса «Колас» (цэнтр — в. Семукачы).

Планіроўка

Планіровачна складаецца з кароткай просталінейнай вуліцы, арыентаванай з паўднёвага ўсходу на паўночны захад і забудаванай двухбакова традыцыйнымі драўлянымі дамамі сядзібнага тыпу.

Насельніцтва

• XX стагоддзе:
  • 1926 — 5 двароў, 33 жыхары.
  • 1990 — 8 гаспадарак, 11 жыхароў.
• XXI стагоддзе:
  • 2007 — 3 гаспадаркі, 4 жыхары.

Літаратура

• Александроў // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх