Анібал Каваку Сілва

Анібал Каваку Сілва
парт.: Aníbal António Cavaco Silva
19-ы прэзідэнт Партугаліі 9 сакавіка 2006 — 9 сакавіка 2016
Папярэднік	Жоржэ Фернанду Бранку дэ Сампаю
Пераемнік	Марселу Рэбелу ды Соза
113-ы прэм’ер-міністр Партугаліі 6 лістапада 1985 — 28 кастрычніка 1995
Папярэднік	Марыу Суарыш
Пераемнік	Антоніу Гутэрыш
158-ы міністр фінансаў Партугаліі[d] 3 студзеня 1980 — 9 студзеня 1981
Нараджэнне	15 ліпеня 1939(1939-07-15)[…] (86 гадоў) Балікеймі[d], Loulé[d], акруга Фару[d], Партугалія
Жонка	Maria Cavaco Silva[d]
Грамадзянства	Партугалія
Веравызнанне	каталіцтва
Партыя	Сацыял-дэмакратычная партыя
Адукацыя	Тэхнічны ўніверсітэт Лісабона[d] Універсітэт Ёрка
Месца працы	Новы Лісабонскі ўніверсітэт Партугальскі каталіцкі ўніверсітэт
Аўтограф
Узнагароды	медаль Роберта Шумана[d] (1998) ганаровы доктар Універсітэта Ла-Каруньі[d]
Сайт	gabinetesacramento.pt (парт.)
Медыяфайлы на Вікісховішчы

Анібал Антоніу Каваку Сілва (парт.: Aníbal António Cavaco Silva; 15 ліпеня 1939, мястэчка Балікеймэ, Алгарві, Партугалія) — партугальскі палітычны дзеяч, прэзідэнт Партугальскай Рэспублікі з 9 сакавіка 2006 па 9 сакавіка 2016, прэм’ер-міністр Партугаліі з 6 лістапада 1985 па 28 кастрычніка 1995 года. Яго знаходжанне на пасадзе кіраўніка ўрада было самым працяглым сярод усіх дэмакратычна абраных прэм’ер-міністраў Партугаліі.

Навуковец-эканаміст

Доктар эканамічных навук, прафесар. Вучоную ступень атрымаў у 1974 ва Універсітэце Ёрка, Вялікабрытанія. У 1965—1967 выкладаў палітэканомію ў Інстытуце эканамічных і фінансавых даследаванняў у Лісабоне. У 1967—1977 — навуковы супрацоўнік эканамічнага даследчага цэнтра пры фондзе Галуста Гульбекяна ў Лісабоне. У 1975—1977 выкладаў у Каталіцкім і Лісабонскім (новым) універсітэтах. У 1977—1979 — начальнік аддзела даследаванняў і статыстыкі Банка Партугаліі. Займаўся пытаннямі эканамічнай і бюджэтнай палітыкі Партугаліі, праблемамі эканамічнай стабілізацыі рынку і макраэканамічнага развіцця.