Арцём Віктаравіч Чалядзінскі

З Вікіпедыі, свабоднай энцыклапедыі
Футбол
Арцём Чалядзінскі
Поўнае імя Арцём Віктаравіч Чалядзінскі
Нарадзіўся 29 снежня 1977(1977-12-29)[1][2][…] (46 гадоў)
Грамадзянства  Беларусь
Рост 186 см
Вага 79 кг
Пазіцыя абаронца
Інфармацыя пра клуб
Клуб Беларусь Мінск
Пасада галоўны трэнер
Клубная кар’ера[* 1]
1996—1998 Беларусь Дынама-Юні (Мінск) 59 (5)
1999—2002 Беларусь Дынама (Мінск) 76 (4)
2002   Беларусь Дынама-БНТУ (Мінск) 3 (1)
2002—2003 Расія Сокал (Саратаў) 43 (1)
2004—2008 Украіна Металург (Запарожжа) 111 (5)
2009 Казахстан Табол (Кастанай) 25 (6)
2010 Беларусь Нафтан (Наваполацк) 32 (0)
2011 Беларусь Шахцёр (Салігорск) 9 (2)
2012—2016 Беларусь Тарпеда-БелАЗ (Жодзіна) 97 (8)
2016 Беларусь Дынама (Мінск) 9 (1)
2017 Беларусь Крумкачы (Мінск) 22 (0)
2021 Беларусь Узда 0 (0)
Нацыянальная зборная[* 2]
1998—1999 Беларусь Беларусь (да 21) 9 (0)
2002—2007 Беларусь Беларусь 7 (0)
Трэнерская кар’ера
2018—2021 Беларусь Дынама (Мінск) дубль
2021—2022 Беларусь Дынама (Мінск)
2024— Беларусь Мінск
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 студзеня 2024.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Арцём Чалядзінскі (нар. 29 снежня 1977, Мінск) — беларускі футбаліст (абаронца) і трэнер. Выступаў за нацыянальную зборную Беларусі (2002—2007). У цяперашні час працуе галоўным трэнерам клуба «Мінск».

Клубная кар’ера[правіць | правіць зыходнік]

Пачаў кар’еру ў міні-футболе, а з 1999 года гуляў ужо за мінскае «Дынама». Потым гуляў у Расіі, пяць гадоў правёў ва Украіне ў запарожскім «Металургу», дзе некаторы час быў капітанам. У 2009 годзе гуляў у Казахстане, а на наступны год вярнуўся ў Беларусь, гуляў за «Нафтан» і «Шахцёр».

У студзені 2012 года падпісаў кантракт з «Тарпеда-БелАЗ», дзе стаў асноўным цэнтральным абаронцам і адным з лідараў аўтазаводцаў. У сезоне 2012 быў капітанам каманды, але на наступны сезон саступіў капітанства Дзмітрыю Шчагрыковічу. У чэрвені 2014 года атрымаў траўму, з-за якой выбыў да канца сезона 2014.

У студзені 2015 года падоўжыў кантракт з жодзінцамі[3]. Сезон 2015 распачаў на лаўцы запасных, а са жніўня вярнуў месца ў аснове. У лютым 2016 года чарговы раз падоўжыў пагадненне з аўтазаводцамі[4].

У жніўні 2016 года перайшоў у мінскае «Дынама»[5]. У складзе «Дынама» стаў асноўным цэнтральным абаронцам, у шэрагу матчаў быў капітанам каманды. У снежні 2016 года па заканчэнні кантракта пакінуў сталічны клуб[6].

31 студзеня 2017 года падпісаў кантракт з «Крумкачамі»[7]. У складзе «Крумкачоў» адразу стаў капітанам. Прапусціўшы пачатак сезона, пазней замацаваўся ў стартавым складзе каманды. Па заканчэнні сезона ў лістападзе 2017 года абвясціў аб завяршэнні кар’еры[8].

У маі 2021 года ў якасці аматара згуляў за другалігавую «Узду» ў адным матчы Кубка Беларусі.

Міжнародная кар’ера[правіць | правіць зыходнік]

Гуляў за нацыянальную зборную Беларусі на працягу 2002—2007 гадоў.

Трэнерская кар’ера[правіць | правіць зыходнік]

У студзені 2018 года ўвайшоў у трэнерскі штаб дубля мінскага «Дынама»[9], а ў ліпені таго ж года ўзначаліў дубль[10]. Прывёў дынамаўцаў да перамогі ў чэмпіянаце дублёраў 2018 з рэкорднай колькасцю ачкоў, у 2020 годзе зноў перамог у чэмпіянаце дублёраў.

У чэрвені 2021 года, пасля адстаўкі Леаніда Кучука, быў прызначаны выканаўцам абавязкаў галоўнага трэнера асноўнага складу мінскага «Дынама»[11]. Прывёў каманду да бронзавых медалёў чэмпіянату Беларусі. У снежні 2021 года быў зацверджаны на пасадзе галоўнага трэнера дынамаўцаў[12]. У сезоне 2022 каманда доўгі час змагалася за чэмпіёнства, аднак няўдалы фініш адкінуў яе на чацвёртае месца. У лістападзе 2022 года пакінуў месца галоўнага трэнера, але застаўся на працы ў клубе[13]. Працаваў у акадэміі «Дынама» да студзеня 2024 года[14], калі быў прызначаны галоўным трэнерам «Мінска»[15].

У жніўні 2023 года атрымаў трэнерскую ліцэнзію катэгорыі PRO[16].

Дасягненні[правіць | правіць зыходнік]

Крыніцы[правіць | правіць зыходнік]

  1. Artem Chelyadinski // Transfermarkt — 2000. Праверана 9 кастрычніка 2017.
  2. Arcëm Čėljadzinski // FBref.com
  3. Бурко, Щегрикович, Панковец и Челядинский продлили контракты с "Торпедо-БелАЗ" (руск.). football.by (13 студзеня 2015). Праверана 24 студзеня 2024.
  4. Артем Челядинский продлил контракт с "Торпедо-БелАЗ" (руск.). football.by (11 лютага 2016). Праверана 24 студзеня 2024.
  5. Артем Челядинский подписал контракт с минским "Динамо" (руск.). football.by (5 жніўня 2016). Праверана 24 студзеня 2024.
  6. Концевой, Челядинский и Габовда покидают минское "Динамо" (руск.). football.by (26 снежня 2016). Праверана 24 студзеня 2024.
  7. "Крумкачы" объявили о подписании контракта с Артемом Челядинским (руск.). football.by (31 студзеня 2017). Праверана 24 студзеня 2024.
  8. Спасибо, Легенда! Челядинский завершил карьеру (руск.). by.tribuna.com.
  9. Челядинский трудоустроился в минском "Динамо" (руск.). football.by (14 студзеня 2018). Праверана 24 студзеня 2024.
  10. Челядинский возглавит дубль минского «Динамо» (руск.). by.tribuna.com.
  11. Артем Челядинский назначен исполняющим обязанности главного тренера минского "Динамо" (руск.). football.by (3 чэрвеня 2021). Праверана 24 студзеня 2024.
  12. Артем Челядинский - главный тренер минского "Динамо". Уже без статуса и.о (руск.). football.by (28 снежня 2021). Праверана 24 студзеня 2024.
  13. Минское "Динамо" объявило об уходе Челядинского с поста главного тренера (руск.). football.by (21 лістапада 2022). Праверана 24 студзеня 2024.
  14. ЧАЛЯДЗІНСКІ ПРАЦЯГНЕ ТРЭНЕРСКУЮ КАР’ЕРУ Ў ІНШЫМ КЛУБЕ . Афіцыйны сайт мінскага «Дынама» (9 студзеня 2024). Праверана 24 студзеня 2024.
  15. Челядинский принял "Минск" (руск.). football.by (9 студзеня 2024). Праверана 24 студзеня 2024.
  16. Радьков, Челядинский, Горовцов и еще 16 тренеров стали обладателями лицензий PRO (руск.). football.by (14 жніўня 2023). Праверана 24 студзеня 2024.