Бахматы

Вёска Бахматы Краіна Беларусь Вобласць Гродзенская Раён Лідскі Сельсавет Тарноўскі Каардынаты 53°45′20″ пн. ш. 25°18′00″ у. д. Колькасць двароў 6 Насельніцтва 9 чалавек (2004) Часавы пояс UTC+3 Тэлефонны код 0154 Паштовы індэкс 231328 Аўтамабільны код 4 СААТА 4236852006 Бахматы на карце Беларусі ±

Бахматы на Вікісховішчы

Ба́хматы (трансліт.: Bachmaty, руск.: Бахматы) — вёска ў Лідскім раёне Гродзенскай вобласці. Уваходзіць у склад Тарноўскага сельсавета.

Знаходзіцца за 22 км на поўдзень ад горада Ліда, на рацэ Бахматка. 6 гаспадарак, 9 жыхароў (2015).

Гісторыя

Паводле вопісу парафій Лідскага дэканата 1784 года Бахматы належаць да Няцецкай парафіі, уласнасць віленскага біскупа Ігната Масальскага. Належала да Лідскага павета ВКЛ, у складзе Рэчы Паспалітай.

Капліца Маці Божай Анёльскай (1928)

З 1795 года ў Расійскай імперыі. На пачатку XX ст. вёска ў Ганчарскай воласці Лідскага павета, 131 жыхар, 123 дзесяціны зямлі. У 1915 годзе акупавана Германіяй, з 1921 года ў складзе Польшчы ў Ганчарскай гміне Лідскага павета. Капліца ў Бахматах узведзена ў пачатку ХХ ст., належыць да Няцецкай парафіі.

З 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

Насельніцтва

• 1921 — 109 чал. (22 жылыя пабудовы)
• 1996 — 36 чал. (18 двароў)
• 2004 — 19 чал. (13 двароў)
• 2015 — 9 чал. (6 двароў)

Літаратура

• Памяць: Ліда. Лідскі раён: Гіст.-дак хронікі гарадоў і раёнаў Беларусі / Рэдкал В. Баранаў і інш. — Мн.: Беларусь, 2004. — ISBN 985-01-0522-4

Спасылкі

• На Вікісховішчы ёсць медыяфайлы па тэме Бахматы