Бярозаўка (Вендаражскі сельсавет)

Бярозаўка
Краіна	Беларусь
Вобласць	Магілёўская
Раён	Магілёўскі
Сельсавет	Вендаражскі
Каардынаты	53°48′15″ пн. ш. 29°55′15″ у. д.HGЯO
Часавы пояс	UTC+3
Тэлефонны код	+375 222
Паштовыя індэксы	213150
Аўтамабільны код	6
СААТА	7244808011

Бяро́заўка^[1] (трансліт.: Biarozaŭka, руск.: Берёзовка) — вёска ў Магілёўскім раёне Магілёўскай вобласці. Уваходзіць у склад Вендаражскага сельсавета.

Геаграфія

Размешчана за 22 км на паўднёвы захад ад Магілёва, за 2 км ад чыгуначнай станцыі Вендрыж на лініі Магілёў — Асіповічы. Рэльеф раўнінны. Транспартныя сувязі па мясцовай дарозе праз в. Навасёлкі і далей па шашы Магілёў — Бабруйск.

Планіровачна складаецца з просталінейнай вуліцы, арыентаванай з паўночнага захаду на паўднёвы ўсход і забудаванай двухбакова, шчыльна традыцыйнымі драўлянымі дамамі сядзібнага тыпу.

Гісторыя

Паселішча заснавана ў пачатку 1920-х гадоў перасяленцамі з суседніх вёсак. Належала да Гомельскай губерні РСФСР. З сакавіка 1924 года ў БССР. У 1930-я г. вяскоўцы ўступілі ў калгас, была адкрыта пачатковая школа.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. У вёсцы і ваколіцы базіраваліся 113-ы партызанскі атрад Магілёўскай ваенна-аператыўнай групы і Магілёўскі падпольны райкам КП(б)Б.

Да 22 ліпеня 1960 года вёска ўваходзіла ў склад Семукацкага сельсавета^[2], да 22 ліпеня 1965 года — у склад Вендаражскага сельсавета^[3], пасля 22 ліпеня 1965 года — зноў у склад Семукацкага сельсавета.

У 1990 годзе ў складзе калгаса «Камінтэрн» (цэнтр — в. Мікалаеўка 2). Размяшчалася ферма буйной рагатай жывёлы, працаваў магазін.

Насельніцтва

1990 — 40 гаспадарак, 71 жыхар.
2007 — 16 гаспадарак, 22 жыхары.

Зноскі

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
↑ Рашэнне выканкома Магілёўскага абласнога Савета дэпутатаў працоўных ад 4 чэрвеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 25 (1105).

Літаратура

Бярозаўка // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

[2] Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.

[3] Рашэнне выканкома Магілёўскага абласнога Савета дэпутатаў працоўных ад 4 чэрвеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 25 (1105).

[1]

[2]

[3]

Вендаражскі сельсавет
Цэнтр	Вендараж
Пасёлкі	Вендрыж · Вясёлы · Южны Жабін
Вёскі	Атнянка · Барсукі · Бартнякі · Будзішча · Бяляўшчына · Бярозаўка · Варатыншчына · Гуслішча · Гуслянка · Дубінка · Журавец 1 · Журавец 2 · Завярэжжа · Залессе · Зялёная Слабада · Капейнае · Карчомка · Концы · Красная Слабада · Куты · Лавец · Масальшчына · Маяк · Міхалёва · Навасёлкі · Новы Вендараж · Новы Сінін · Панізоў · Стары Сінін · Угалле · Хрыпялёва · Шараеўка · Ямніца