Віктар Сянкевіч

З пляцоўкі Вікіпедыя
Jump to navigation Jump to search
Віктар Сянкевіч
Дата нараджэння 19 студзеня 1926(1926-01-19) (93 гады)
Месца нараджэння
Род дзейнасці журналіст, гісторык
Альма-матар

Віктар Сянкевіч (псеўданім: Язэп Барэйка; 19 студзеня 1926, вёска Гірстуны, Дзісенскі павет, Віленскае ваяводства; цяпер Глыбоцкі раён, Віцебская вобласць) — беларускі гісторык, журналіст, дзеяч беларускай дыяспары ў Іспаніі, Канадзе і ЗША.

Біяграфія[правіць | правіць зыходнік]

Нарадзіўся ў сялянскай сям’і. Вучыўся ў роднай вёсцы, а потым у Глыбокім. Падчас Другой сусветнай вайны трапіў у Германію, а потым у Францыю, дзе ўдзельнічаў у руху Супраціўлення. Затым як ураджэнец II Рэчы Паспалітай быў перавезены амерыканцамі ў Італію, уключаны ў Польскі корпус генерала Андэрса. Удзельнічаў у вызваленні Балонні. Пасля вайны вучыўся ў Польскай гімназіі ў Італіі. Там жа ўдзельнічаў у арганізацыі Першага з’езда беларусаў-ваенных з корпуса Андэрса. Быў таксама адным з заснавальнікаў Згуртавання беларусаў у Вялікабрытаніі.

У 1958 г. В. Сянкевіч скончыў філасофскі факультэт Мадрыдскага ўніверсітэта. Абараніў доктарскую дысертацыю пра пачаткі Вялікага Княства Літоўскага. У 1958—1961 гг. працаваў у беларускай секцыі Іспанскага радыё. Затым супрацоўнічаў з Радыё «Свабода», вёў там «Беларускі гістарычны каляндар». Шматлікія матэрыялы на гістарычныя тэмы друкаваў у эмігранцкім часопісе «На шляху» (быў яго заснавальнікам), газетах «Бацькаўшчына», «Беларус» і інш. Разам з К. Акулам быў аўтарам большасці артыкулаў у ваенна-гістарычным часопісе «Зважай!», які выдаваўся ў канадскім горадзе Таронта. Цяпер В. Сянкевіч на пенсіі. Жыве ў горадзе Сан-Францыска (ЗША).

Зноскі

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).