Горм Стары

Горм Стары
дацк.: Gorm den Gamle
Горм Стары. Аўтар Аўгуст Карл Вільгельм Томсен (1813-86)
кароль Даніі
Папярэднік	Кнуд I Хардэкнуд
Пераемнік	Харальд I Сінязубы
Нараджэнне	877 ці 890
Смерць	1 снежня 958, 958 ці 964 невядомае[d]
Месца пахавання	Данія
Род	Кнютлінгі
Бацька	Кнуд I Гардэкнуд
Жонка	Ціра
Дзеці	Харальд I Сінязубы, Кнуд Гормсан[d], Гунхільда Маці Конунгаў[d], Токе Гормсан[d] і Strut-Harald[d]
Медыяфайлы на Вікісховішчы

Горм Стары (дацк.: Gorm den Gamle; 910-я—958?) — кароль Даніі.

Біяграфія

Сын дацкага караля Кнуда I Хардэкнуда. Паводле слоў яго нашчадка, дацкага караля Свена II Эстрыдсена, Горм кіраваў з Елінгу ўсёй Даніяй і, хутчэй за ўсё, Шлезвігам.

Паходжанне мянушкі не зусім зразумелае. Горм не быў ні старым, ні прастадушным, раннія крыніцы сведчаць пра яго адкрытасць і прагматызм, калі справа тычылася адносін з хрысціянскімі суседзямі на поўдні. У часы Горма большасць датчан ушаноўвала старажытнагерманскіх багоў, але ўжо падчас кіравання яго сына Харальда I Сінязубага Данія афіцыйна прыняла хрысціянства.

Паўночны курган у Елінгу, «магіла Цюры», жонкі Горма Старога

Сцвярджаецца, што рэшткі Горма былі знойдзены на месцы першай хрысціянскай царквы ў Елінгу, пабудаванай пры Харальдзе. Лічыцца, што яны былі перанесены з узгорка, дзе ён быў першапачаткова пахаваны, а сам узгорак быў пераўтвораны ў памятнае месца.

Ад Горма вядзецца радавод усіх дацкіх манархаў, да кіруючай у наш час каралевы Маргрэтэ II, што робіць Данію найстарэйшай бесперапыннай манархіяй у Еўропе (у свеце яна саступае толькі Японіі).

Горм Стары быў жанаты з Цірай (або Цюрай), якая атрымала мянушку «Выратавальніца Даніі». Яе імем быў названы астэроід (115) Ціра, адкрыты ў 1871 годзе.

Літаратура

• Гвин Джонс. Викинги. Потомки Одина и Тора = A history of the vikings / Пер. с англ. З. Ю. Метлицкой. — Центрполиграф. — М., 2007. — С. 104—110. — 445 с. — (Загадки древних цивилизаций). — 5 000 экз. — ISBN 978-5-9524-3095-2.

Спасылкі

• KINGS of DENMARK 935—1042 (FAMILY of GORM) (англ.). Foundation for Medieval Genealogy. Архівавана з першакрыніцы 23 жніўня 2011. Праверана 27 красавіка 2010.
• Runensteine in Jelling (ням.)(недаступная спасылка). Treffpunkt-Howaldt. Архівавана з першакрыніцы 28 верасня 2011. Праверана 27 красавіка 2010.