Джон О’Шы

Джон О’Шы
Джон О’Шы
Агульная інфармацыя
Поўнае імя	Джон Фрэнсіс О’Шы
Мянушка	Sheasy (Шызі)
Нарадзіўся	30 красавіка 1981 (42 гады); Уотэрфард, графства Уотэрфард[d], Манстэр, Ірландыя;
Грамадзянства	Ірландыя
Рост	192 см
Вага	75 кг
Пазіцыя	абаронца
Інфармацыя пра клуб
Клуб	завяршыў кар’еру
Маладзёжныя клубы
	Ферыбанк
	Уотэрфард Багеміянс
1998—1999	Манчэстэр Юнайтэд
Клубная кар’ера
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 ліпеня 2019. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 3 ліпеня 2018 ;
	Медыяфайлы на Вікісховішчы

Джон Фрэнсіс О’Шы (англ.: John Francis O’Shea, ірл.: Seán Ó Sé; нар. 30 красавіка 1981, Уотэрфард, Ірландыя) — былы ірландскі футбаліст, абаронца. Ігрок нацыянальнай зборнай Ірландыі (2001—2018). Быў здольны згуляць не толькі на пазіцыі цэнтральнага ці ўскрайняга абаронцы, але і на пазіцыі апорнага паўабронцы.

Кар’ера[правіць | правіць зыходнік]

«Манчэстэр Юнайтэд»[правіць | правіць зыходнік]

Далучыўся да клуба «Манчэстэр Юнайтэд» ва ўзросце 17 гадоў. Дэбют у складзе каманды адбыўся 13 кастрычніка 1999 года ў матчы на Кубак Англіі супраць клуба «Астан Віла», які скончыўся паражэннем «чырвоных д’яблаў» з лікам 0:3^[2]. 2000 год правёў у арэндзе ў клубе «Борнмут», а на наступны год з’ехаў гуляць у кантынентальную Еўропу, правёўшы некаторы час у складзе бельгійскага клуба «Антверпен».

Вярнуўшыся дамоў цягам сезона 2002/03, стаў асноўным іграком «Манчэстэр Юнайтэд», дэманструючы рознабаковую гульню на ўсіх пазіцыях абароны, а таксама на пазіцыі цэнтральнага паўабаронцы. Па выніках сезона Джон стаў чэмпіёнам Англіі. У сезоне 2003/04 Рыа Фердынанд не гуляў паўгады з-за дыскваліфікацыі, атрыманай пасля пропуску тэсту на допінг^[3]. О’Шы замяніў Фердынанда ў цэнтры абароны і дапамог «Манчэстэру» выйсці ў фінал Кубка Англіі, у якім манкуніянцы абгулялі «Мілуал» з лікам 3:0.

О’Шы дэманстраваў стабільную гульнявую форму ў сезоне 2004/05. У той час з’явіліся чуткі аб магчымым сыходзе ірландца з «Манчэстэра» ў «Ліверпул» або «Ньюкасл Юнайтэд», аднак гэтага не адбылося. 4 лютага 2007 года, падчас матча англійскай Прэм’ер-лігі супраць «Тотэнхэма», Джон замяніў у браме Эдвіна ван дэр Сара, які зламаў нос падчас адбору мяча, бо да таго моманту клубам былі выкарыстаны ўсе тры замены^[4].

«Сандэрленд»[правіць | правіць зыходнік]

7 ліпеня 2011 года Джон О’Шы афіцыйна стаў іграком «Сандэрленда». 30-гадовы ірландзец падпісаў кантракт на чатыры гады^[5]. 27 жніўня О’Шы правёў першы матч за новы клуб, а 29 снежня 2012 года Джон упершыню забіў у складзе каманды, што, аднак, не зберагло «чорных катоў» ад паражэнні ў матчы супраць «Тотэнхэма»^[6].

Па выніках сезона 2016/17 «Сандэрленд» страціў месца ў Прэм’ер-лізе, і ўлетку 2017 года О’Шы ў якасці свабоднага агента пакінуў каманду. Аднак неўзабаве вярнуўся ў «Сандэрленд» і падпісаў новы аднагадовы кантракт з клубам. Па выніках сезона 2017/18 «Сандэрленд» зноў панізіўся ў класе. У чэрвені 2018 года О’Шы перайшоў у клуб Чымпіёншыпа «Рэдынг». У красавіку 2019 года абвясціў аб завяршэнні кар’еры па заканчэнні сезона.

Міжнародныя выступы[правіць | правіць зыходнік]

О’Шы дэбютаваў у складзе нацыянальнай зборнай Ірландыі 15 жніўня 2001 года, калі ён выйшаў на замену на 84 хвіліне ў хатнім матчы супраць зборнай Харватыі. Яго дэбют скончыўся расчараваннем, бо на Джоне харвацкія ігракі зарабілі пенальці ў кампенсаваны час, што прывяло ў да голу ў браму Ірландыі, і выніку гульні 2:2. 19 жніўня 2003 года О’Шы забіў свой першы гол за нацыянальную каманду і прынес сваёй зборнай перамогу над Аўстраліяй з лікам 2:1^[7].

Дасягненні[правіць | правіць зыходнік]

«Манчэстэр Юнайтэд»:

Чэмпіён Англіі (5): 2003, 2007, 2008, 2009, 2011
Уладальнік Кубку Англіі: 2004
Уладальнік Кубку Футбольнай лігі (3): 2006, 2009, 2010
Уладальнік Суперкубку Англіі (4): 2003, 2007, 2008, 2010
Пераможца Лігі чэмпіёнаў: 2008
Пераможца клубнага чэмпіянату свету: 2008

Зноскі

↑ John O'Shea // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>
↑ John O’Shea, Manchester United player. Aboutmanutd.com
↑ Ferdinand banned for eight months. BBC Sport
↑ Tottenham 0-4 Man Utd. BBC Sport
↑ Man Utd’s John O’Shea signs four-year Sunderland deal. BBC Sport
↑ Sunderland 1-2 Tottenham. BBC Sport
↑ Ireland 2-1 Australia: Late comeback Архівавана 23 кастрычніка 2012.. ESPN Soccernet

Спасылкі[правіць | правіць зыходнік]

На Вікісховішчы ёсць медыяфайлы па тэме Джон О’Шы
Профіль на сайце transfermarkt.com (англ.)
Статыстыка на сайце National Football Teams (англ.)
Профіль на сайце soccerway.com (руск.)
Статыстыка на сайце UEFA.com (руск.)
Статыстыка на сайце FIFA (англ.)
Статыстыка на сайце soccerbase.com (англ.)

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 ліпеня 2019.

[national-3] Колькасць гульняў і галоў за нацыянальную зборную ў афіцыйных матчах, адкарэктавана станам на 3 ліпеня 2018

[_323a67e38ac1fdd9-1] John O'Shea // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[4] John O’Shea, Manchester United player. Aboutmanutd.com

[5] Ferdinand banned for eight months. BBC Sport

[6] Tottenham 0-4 Man Utd. BBC Sport

[7] Man Utd’s John O’Shea signs four-year Sunderland deal. BBC Sport

[8] Sunderland 1-2 Tottenham. BBC Sport

[9] Ireland 2-1 Australia: Late comeback Архівавана 23 кастрычніка 2012.. ESPN Soccernet

[1]

[* 1]

[* 2]

[2]

[3]

[4]

[5]

[6]

[7]