Кавака

Вёска Кавака Краіна Беларусь Вобласць Гомельская Раён Брагінскі Сельсавет Вуглоўскі Каардынаты 51°49′35″ пн. ш. 30°13′50″ у. д. Першая згадка XIX стагоддзе Насельніцтва 168 чалавек (2004) Часавы пояс UTC+3 Тэлефонны код +375 2344 Паштовыя індэксы 247637 Аўтамабільны код 3 СААТА 3203870043 Кавака на карце Беларусі ±

Кава́ка (трансліт.: Kavaka, руск.: Ковака) — вёска ў Брагінскім раёне Гомельскай вобласці. Уваходзіць у склад Вуглоўскага сельсавета.

Геаграфія

Размяшчэнне

За 4 км на поўнач ад Брагіна, 32 км ад чыгуначнай станцыі Хойнікі (на лініі Васілевічы — Хойнікі ад лініі Калінкавічы — Гомель), 122 км ад Гомеля.

Транспартная сістэма

Транспартныя сувязі па прасёлкавай дарозе, затым аўтадарогах, якія адыходзяць ад Брагіна.

Планіроўка складаецца з просталінейнай вуліцы з 2 завулкамі, блізкай да шыротнай арыентацыі, забудавана двухбакова драўлянымі хатамі сядзібнага тыпу.

Гісторыя

Па пісьмовых крыніцах вядомая з XIX стагоддзя як вёска ў Рэчыцкім павеце Мінскай губерні. У 1897 годзе знаходзіліся школа граматы, 2 ветракі, у Брагінскай воласці.

З 8 снежня 1926 года па 30 снежня 1927 года цэнтр Кавацкага сельсавета Брагінскага раёна Рэчыцкай, з 9 чэрвеня 1927 года Гомельскай акруг. У 1931 годзе арганізаваны калгас «Запаветы Леніна», працавалі вятрак (з 1928 года), конная крупарушка (з 1914 года), гамарня. Падчас Вялікай Айчыннай вайны у шпіталі, які размяшчаўся ў вёсцы ў 1943—1944 гадах, памерлі ад ран 14 салдат (пахаваны на могілках). Іх памяць увекавечвае збудаваны ў 1967 годзе абеліск. У 1959 годзе ў складзе калгаса «Шлях да камунізму» (цэнтр — г. п. Брагін). Да 14 студзеня 1960 года вёска ўваходзіла ў склад Мікуліцкага сельсавета, пасля знаходзілася ў адміністрацыйным падпарадкаванні Брагінскага пассавета. Ёсць клуб, бібліятэка. Да 1 снежня 2009 года вёска знаходзілася ў раённым падпарадкаванні.

Насельніцтва

Колькасць

• 2004 год — 63 гаспадаркі, 168 жыхароў.

Дынаміка

• 1850 год — 18 двароў, 158 жыхароў.
• 1897 год — 51 двор, 356 жыхароў (паводле перапісу).
• 1908 год — 52 двары, 385 жыхароў.
• 1930 год — 69 двароў, 209 жыхароў.
• 1959 год — 538 жыхароў (паводле перапісу).
• 2004 год — 63 гаспадаркі, 168 жыхароў.

Вядомыя ўраджэнцы і жыхары

• Сымон Блатун, беларускі паэт, перакладчык.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх