Касцёл Маці Божай Фацімскай (Баранавічы)

Касцёл
Маці Божай Фацімскай
53°09′00″ пн. ш. 25°59′57″ у. д.
Краіна	Беларусь
Горад	Баранавічы
Канфесія	Каталіцтва
Епархія	Пінская дыяцэзія
Благачынне	Баранавіцкі заходні дэканат
Тып будынка	касцёл
Дата пабудовы	1998 год
Медыяфайлы на Вікісховішчы

Баранавіцкі Касцёл Маці Божай Фацімскай — каталіцкі храм у Баранавічах. Знаходзіцца на Савецкім праспекце.

Гісторыя

Пабудаваны ў 1998 годзе з цэглы ў авангардным стылі намаганнямі святара Мазура. Першая ва Усходняй Еўропе святыня, прысвечаная Фацімскай царыцы.

Пры касцёле выдаецца штомесячны каталіцкі часопіс «Дыялог».

Архітэктура

Архітэктурны вобраз створаны аб'ёмна-кампазіцыйнымі сродкамі — плоскасныя фасады рытмічна расчлянёны стральчатымі аконнымі праёмамі, круглымі люкарнямі. У інтэр'еры перспектыву нефа завяршае не алтар, а скульптура Маці Божай Фацімскай.

Літаратура

• Кулагін А. М. Каталіцкія храмы Беларусі. Энцыклапедычны даведнік — Мн.: Беларуская энцыклапедыя, 2000. — С. 12.

Спасылкі

• Касцёл Маці Божай Фацімскай (Баранавічы) на сайце Глобус Беларусі (руск.)
• Касцёл Маці Божай Фацімскай (Баранавічы) на сайце Catholic.by (бел.)