Касцёл Найсвяцейшай Дзевы Марыі (Параф’янава)

З пляцоўкі Вікіпедыя
Jump to navigation Jump to search
Каталіцкі храм
Касцёл Найсвяцейшай Дзевы Марыі
Parafjanava, kaścioł (3.06.2008).jpg
54°53′09″ пн. ш. 27°34′34″ у. д.HGЯO
Краіна Беларусь
Аграгарадок Параф'янава
Канфесія Рымска-каталіцкая царква
Епархія Віцебская дыяцэзія
Архітэктурны стыль неабарока
Будаўніцтва 19081913 гады
Стан дзейнічае

Касцёл Найсвяцейшай Дзевы Марыі — каталіцкі храм, помнік архітэктуры неабарока[1][2]. Знаходзіцца ў аграгарадку Параф'янава (Докшыцкі раён, Віцебская вобласць).

Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння[1].

Гістарычна вядомы пад імем «Касцёл Яна Хрысціцеля». Пад гэтым імем ён згадваецца ў Дзяржаўным спісе каштоўнасцяў і шэрагу іншых крыніц[1][2]. Аднак у цяперашні час прыход і храм носяць імя Найсвяцейшай Дзевы Марыі[3].

Гісторыя[правіць | правіць зыходнік]

Першая яго фундацыя ажыццёўлена ў 1630 г. Мельхіёрам Гіляшкевічам, архідыяканам віленскім. У 1908 г. на сродкі парафіян і намаганнямі ксяндза Б. Корна пачалося будаўніцтва мураванага касцёла, у асноўным завершанае да 1913 г. Аднак святыня была кансекравана толькі ў 1931 г. архібіскупам Р. Ялбржыкоўскім.

Архітэктура[правіць | правіць зыходнік]

Гэты помнік архітэктуры псеўдабарока яшчэ больш выразна імітуе пашыраную ў часы барока 2-вежавую базіліку з трансептам. Выцягнуты прэсбітэрый з паўкруглым завяршэннем абкружаны абхадным хорам. Цэнтральны неф і трансепт накрыты ўзаемна перпендыкулярнымі двухсхільнымі дахамі з 3-вугольнымі франтонамі на тарцах. Галоўны фасад вырашаны як 2-ярусны аб'ём-нартэкс, па баках якога ўзвышаюцца чацверыковыя вежы са складанай кампазіцыяй завяршэнняў. Сцены цалкам змураваны з цэглы і атынкаваны. Фасады ажыўляе багатая ордарная пластыка: прафіляваныя карнізы, пілястры, вялікія і разнастайныя па форме праёмы. Унутры цэнтральны неф перакрыты цыліндрычным скляпеннем з распалубкамі, бакавыя нефы — крыжовымі. Слупы і сцены расчлянёны падвойнымі пілястрамі і ўпрыгожаны арнаментальным роспісам і гіпсавымі барэльефамі на тэму «Крыжовы шлях Хрыста», выкананымі ў 1927 г. У 1956 г. касцёл у в. Параф'янава быў закрыты і прыстасаваны пад склад. 3 1989 г. вернуты каталіцкай парафіі і дзейнічае.

Зноскі

Літаратура[правіць | правіць зыходнік]

Спасылкі[правіць | правіць зыходнік]