Катастрофа С-47 пад Маладзечнам

З пляцоўкі Вікіпедыя
Jump to navigation Jump to search
Катастрофа С-47 пад Маладзечнам
Агульныя звесткі
Дата 13 ліпеня 1944
Характар катастрофа
Прычына палёт на малой вышыні, хібы ў арганізацыі палёта
Месца каля в. Аўгустава Вілейская вобласць, БССР
Паветранае судна
Мадэль Douglas C-47
Авіякампанія «Аэрафлот» (СССР)
Дата выпуску 1944

Катастрофа С-47 пад Маладзечнам — авіяцыйная катастрофа, якая адбылася 13 ліпеня 1944 года за 1,5 км ад в. Аўгустава (Вілейская вобласць, БССР) пад Маладзечнам падчас ВАВ. У выніку падзення ваеннага самалёта Douglas C-47 загінулі ўсе 6 членаў яго экіпажу.

Ход падзей[правіць | правіць зыходнік]

Экіпажы 3 авіятранспартнай палка 1-й АТД выконвалі заданне па перавозцы боепрыпасаў і ГЗМ. Заданне прадугледжвала пералёт з аэрадрому Прыяміна (25 км на ўсход ад Барысава) на а/д Янкаўцы (50 км на паўднёвы-ўсход ад Віцебска), дзе ажжыцаўлялася загрузка боепрыпасаў, і іх дастаўку на а/д Куцко (65 км на паўднёвы захад ад Маладзечна). Група з 9-ці самалётаў Лі-2 і З-47 1-й АТД прыбыла на а/д Янкаўцы і загрузілася. Першы самалёт, які вылецеў, на маршруце сустрэў нізкую воблачнасць да зямлі, знаходзячыся на вышыні 150 м да а/д Куцко. Экіпаж аэрадром не знайшоў з-за нізкай воблачнасці і вярнуўся на а/д Прыяміна . Адначасова камандзір аддаў загад астатнім самалётам вярнуцца ў Прыяміна. Два самалёты, якія былі сустрэтыя гэтым экіпажам на зваротным шляху, вярнуліся з ім на а/д Прыяміна. 5 самалётаў селі на а/д Маладзечна, дзе разгрузіліся і вярнуліся ў Прыяміна. Самалёт С-47 № Л-876, які вылецеў з а/д Янкаўцы ў 07:15, на базу не вярнуўся. З борта атрымана радыёграма: «Аэрадром не знайшоў». Пасля гэтага сувязі больш не было.

16 ліпеня мясцовыя жыхары знайшлі разбіты самалёт і 6 трупаў у лесе за 1,5 км на поўнач ад вёскі Аўгустава (25 км на паўднёвы захад ад Маладзечна). Самалёт з вялікім левым нахілам (да 40°) зачапіўся правай плоскасцю за высокую ёлку, а левай плоскасцю за хвою, і пад вуглом 40-45° зваліўся ў лес, прарабіўшы прасеку даўжынёй 55 м і зламаўшы пры гэтым 5 тоўстых дрэў. Пажару не было.

Прычыны катастрофы[правіць | правіць зыходнік]

  1. Слабая арганізацыя палётаў камандзірам 3-га авіятранспартнай палка і яго намеснікам па лётнай службе. Ім трэба было самі злётаць на а/д Куцко, даведацца яго месцазнаходжанне і разведаць надвор'е, пасля чаго выпускаць астатнія самалёты.
  2. Палёт камандзіра карабля на малой вышыні і праход воблачнасці ў перасечанай мясцовасці, у выніку чаго ён зачапіў за лес.
  3. Няправільны прагноз надвор'я. Фактычнае надвор'е было горш за усталяваны мінімум.
  4. Адсутнасць належнай сувязі з самалётамі.

Спасылкі[правіць | правіць зыходнік]