ДТЗ у Смалявіцкім раёне 20 лютага 2023 года

ДТЗ у Смалявіцкім раёне
ДТЗ у Смалявіцкім раёне
Тып	дарожна-транспартнае здарэнне
Прычына	высвятляецца
Месца	Дарога Р69
Краіна	Беларусь
Дата	20 лютага 2023
Час	14:56
Загінулых	13
Пацярпелых	8
	; месца ДТЗ

ДТЗ у Смалявіцкім раёне — буйное дарожна-транспартнае здарэнне, якое адбылося 20 лютага 2023 года каля в. Слабада Смалявіцкага раёна Мінскай вобласці. Гэта найбуйнейшае ДТЗ у гісторыі незалежнай Беларусі^[1], у ім загінула 13 чалавек.

Катастрофа[правіць | правіць зыходнік]

У 14.56^[2] на 9-м кіламетры аўтадарогі Р69 адбылося лабавое сутыкненне^[3] гружонага МАЗа з маршрутным таксі Citroën Jumper. Маршрутка № 2477-ТК (маршрут п.п. Зарэчнае — аўтастанцыя «Аўтазаводская») рухалася з боку Смалявіч ў накірунку вёскі Пекалін. Грузавы аўтамабіль МАЗ вёз пясок з кар’ера «Верасы» на ААТ «Смалявіцкі завод жалезабетонных вырабаў». Падчас сутыкнення хуткасць МАЗа складала 29 км/г, а маршруткі — 69 км/г^[4]. Удар прыйшоўся на пярэдні правы бок маршруткі^[5]. Пасля сутыкнення абодва аўтамабілі апынуліся на ўзбочыне па ходзе руху мікрааўтобуса. У аўтобусе на месцы застаўся толькі задні шэраг сядзенняў, усе астатнія вылецелі з салона^[4].

З улікам вялікай сур’ёзнасці здарэння, неўзабаве на месца аварыі прыбылі старшыня Мінскага аблвыканкама Турчын А. Г.^[6], Міністр унутраных спраў Рэспублікі Беларусь Кубракоў І. У.^[6] і Старшыня Следчага камітэта Рэспублікі Беларусь Гара Д. Ю.^[7].

Ахвяры[правіць | правіць зыходнік]

У маршрутцы было 20 чалавек (кіроўца, 15 пасажыраў ехалі седзячы, 4 пасажыры ехалі стоячы)^[8]. У той дзень зламаўся школьны аўтобус, чым і тлумачыцца тое, што ў маршрутцы былі дзеці^[9], а органы мясцовай улады не забяспечылі аператыўную замену^[8].

У выніку аварыі загінула 13 чалавек^[10], у тым ліку 11 — на месцы аварыі (сярод іх было двое дзяцей)^[11], пацярпела 8 чалавек^[12]^[13] (сярод іх было двое дзяцей^[8]).

Спіс загінулых (няпоўны):

дзяўчынка (13 год)^[11] з в. Пекалін^[14];
брат (14 год)^[11] і сястра (22 гады) са шматдзетнай сям’і з в. Пекалін^[14]^[15], дзяўчына была настаўніцай сярэдняй школы № 5 г. Смалявічы;
сямейная пара з аграгарадка Драчкава, якая гадавала дваіх дзяцей^[15];
дзве шматдзетныя жанчыны^[9] з в. Зарэчча, якія працавалі ў адной з гаспадарак Мінскага раёна, адна з іх была маці-адзіночкай^[15];
жанчына (29 год), якая працавала ў дзіцячым садзе ў аграгарадку Драчкава^[15];
Аляксандр Мікалаевіч Дрыжынскі (42 гады), кіроўца маршруткі, з аграгарадка Драчкава, гадаваў траіх дзяцей (памёр 6 сакавіка)^[16].

У Смалявіцкую цэнтральную раённую бальніцу было шпіталізавана дзевяць пацыентаў — шэсць у цяжкім стане, трое ў стане сярэдняй ступені цяжкасці^[17]. Там адбыўся рэспубліканскі кансіліум медыцынскіх экспертаў пры ўдзеле Міністра аховы здароўя Рэспублікі Беларусь Піневіча Д. Л. і старшыні Мінскага аблвыканкама Турчына А. Г.^[18].

Пасля стабілізацыі стану пяць пацыентаў былі перавезены ў Мінскую абласную клінічную бальніцу, трое — у Цэнтр спалучанай траўмы Гарадской клінічнай бальніцы хуткай медыцынскай дапамогі, дзяўчынка — у РНПЦ дзіцячай хірургіі^[19]. Ва ўсіх шпіталізаваных былі цяжкія цялесныя пашкоджанні: спалучаныя траўмы, пашкоджаны косці шкілета і чэрапа, траўмы грудной клеткі і органаў брушной поласці, у шэрага пацыентаў пашкоджаны галаўны мозг^[20].

Расследванне[правіць | правіць зыходнік]

Распачата крымінальная справа па часцы 3 артыкула 317 Крымінальнага кодэкса Рэспублікі Беларусь «Парушэнне правілаў дарожнага руху, якое пацягнула па неасцярожнасці смерць дзвюх і больш асоб»^[21]. Кіроўца грузавіка выжыў, атрымаўшы цялесныя пашкоджанні^[13], і быў затрыманы па падазрэнні ў здзяйсненні злачынства^[11].

Аб трагедыі пад Смалявічамі быў праінфармаваны Презідэнт Рэспублікі Беларусь Лукашэнка А. Р., які даручыў Дзяржаўнаму сакратару Савета бяспекі Рэспублікі Беларусь Вальфовічу А. Р. сумесна з Саветам Міністраў Рэспублікі Беларусь прааналізаваць і далажыць, што адбываецца з падрыхтоўкай вадзіцеляў і захаваннем дысцыпліны на дарогах краіны^[22].

Ход расследавання асабіста каардынуе Старшыня Следчага камітэта Рэспублікі Беларусь Гара Д. Ю.^[23].

Высветлілася, што грузавік МАЗ два гады не праходзіў тэхагляд^[8] і ехаў перагружаным^[24].

Рэакцыя[правіць | правіць зыходнік]

Афіцыйных спачуванняў ад вышэйшага кіраўніцтва краіны выказана не было, агульнанацыянальная ці рэгіянальная жалоба не аб’яўлялася. Спачуванні родным загінуўшых і пацярпелых у аўтакатастрофе выказаў толькі Мітрапаліт Мінскі і Заслаўскі, Патрыяршы Экзарх усяе Беларусі Веніямін^[25]. Толькі на пяты дзень пасля трагедыі словы спачування выказалі старшыні Смалявіцкага раённага выканаўчага камітэта і Савета дэпутатаў^[26].

Каля месца аварыі ўтварыўся стыхійны мемарыял, куды людзі сталі прыносіць кветкі ахвярам трагедыі^[14]. Ва ўсіх храмах Беларускай Праваслаўнай Царквы здзяйсняліся памінальныя богаслужэнні за спачылых, а таксама асаблівыя малітвы аб найхутчэйшым акрыянні ўсіх, хто знаходзіцца ў бальніцы^[25].

На наступны дзень пасля аварыі на ўчастку аўтадарогі Р69, дзе здарылася аварыя, пачаліся рамонтныя работы^[9]^[27]. Таксама на наступны дзень Міністэрства па падатках і зборах Рэспублікі Беларусь анансавала правядзенне ва ўзаемадзеянні з Дзяржаўнай аўтамабільнай інспекцыяй Міністэрства ўнутраных спраў Рэспублікі Беларусь і Транспартнай інспекцыяй маштабных кантрольных мерапрыемстваў у адносінах да суб’ектаў гаспадарання, якія аказваюць паслугі ў сферы міжгародніх перавозак пасажыраў у рэгулярных альбо нерэгулярных зносінах^[28].

Не адбылася запланаваная на 23 лютага 2023 года сустрэча Міністра адукацыі Рэспублікі Беларусь Іванца А. І. з навучэнцамі і педагагічнымі калектывамі ўстаноў адукацыі Смалявіцкага раёна^[29].

У Смалявічах былі адменены культурна-забаўляльныя мерапрыемствы, у тым ліку раённае народнае свята «Масленкі», запланаванае на 25 лютага^[30].

Міністр унутраных спраў Рэспублікі Беларусь Кубракоў І. У. заявіў аб магчымасці ў будучыні ўнясення змяненняў у правілы дарожнага руху адносна грамадскага транспарту, а таксама ў іншыя нарматыўна-прававыя акты, якія рэгламентуюць дзейнасць па перавозцы пасажыраў^[31].

Прысуд[правіць | правіць зыходнік]

Суд высветліў, што кіроўца МАЗа, які належыць ААТ «Мінаблаўтатранс», парушыў правілы дарожнага руху, выехаў на сустрэчную паласу, дзе сутыкнуўся з маршруткай «Сітраен», якая належыць прыватнай фірме «Сінкевіч». Кіроўцу МАЗа ў кастрычніку 2023 года асудзілі на сем гадоў калоніі. У снежні 2023 года суд Смалявіцкага раёна пастанавіў спагнаць у салідарным парадку з ААТ «Мінаблаўтатранс» і ПТСУП «Сінкевіч» грашовую кампенсацыю маральнай шкоды на карысць пазоўнікаў.

Зноскі[правіць | правіць зыходнік]

Спасылкі[правіць | правіць зыходнік]

«Спасли четверых»: нашли тех, кто помог пострадавшим в аварии в Смолевичах (руск.). tochka.by.
Авария под Смолевичами: о чем рассказали те, кто помогал спасти выживших? (руск.). auto.onliner.by (21 лютага 2023).

[1] Авария под Смолевичами: 11 погибших. Самосвал столкнулся с маршруткой

[2] Спустя 40 дней после ДТП под Смолевичами в больнице остаются три человека

[3] Авария на трассе в Смолевичском районе с 11 погибшими: лобовое столкновение маршрутки и МАЗа, что известно, последние новости на 20 февраля 2023

[mn-4] а ^б На встрече с маршрутчиками в Минске говорили о безопасности при перевозке пассажиров (нявызн.)(недаступная спасылка). Архівавана з першакрыніцы 11 сакавіка 2023. Праверана 4 сакавіка 2023.

[5] Очевидцы аварии под Смолевичами рассказали, как помогали пострадавшим

[sk-6] а ^б Жуткое ДТП в Смолевичском районе: 11 человек погибли

[7] Дмитрий Гора о трагедии под Смолевичами: на месте работают сотрудники СК и Комитета судебных экспертиз(недаступная спасылка)

[gen-8] а ^б ^в ^г МАЗ два года не проходил техосмотр, а в маршрутке было слишком много пассажиров. Генпрокурор о ДТП под Смолевичами

[auto1-9] а ^б ^в Авария под Смолевичами: о чем рассказали те, кто помогал спасти выживших?

[10] Стало известно о смерти еще двух участников резонансного ДТП под Смолевичами

[onlineSK-11] а ^б ^в ^г СК: водитель маршрутки выжил в ДТП под Смолевичами. Личности всех погибших установлены

[12] ДТЗ у Смалявіцкім раёне — загінула 11 чалавек (Абнаўляецца)

[gora-13] а ^б Водитель МАЗа получил травмы в ДТП под Смолевичами — Гора

[tvr-14] а ^б ^в Трагедыя на дарозе Смалявічы — Шацк: следчыя шукаюць відавочцаў аварыі

[mlyn-15] а ^б ^в ^г «Дорога там фронтовая, разбитая». Авария под Смолевичами унесла жизни двух многодетных матерей

[16] Cкончался водитель маршрутки, попавшей в ДТП с МАЗом под Смолевичами

[17] Пиневич рассказал о состоянии пострадавших в аварии под Смолевичами

[18] Глава Минздрава сказал, в какие больницы перевезут пострадавших в ДТП под Смолевичами

[19] Все пострадавшие в ДТП под Смолевичами пациенты переведены в другие медучреждения

[20] Пасля ДТЗ у Смалявіцкім раёне ў вельмі цяжкім стане застаюцца чатыры пацыенты

[21] Уголовное дело возбуждено после трагического ДТП под Смолевичами

[22] Лукашэнка: у бліжэйшы час разбяромся з падрыхтоўкай вадзіцеляў і захаваннем дысцыпліны на дарогах

[23] Смертельное ДТП в Смолевичском районе. Подробности расследования (нявызн.)(недаступная спасылка). Архівавана з першакрыніцы 26 лютага 2023. Праверана 26 лютага 2023.

[24] Кто встретит из роддома? Вдова водителя о жизни после ДТП под Смолевичами

[church-25] а ^б Предстоятель Белорусской православной церкви выразил соболезнование в связи с гибелью людей в автомобильной аварии в Смолевичском районе Минской области

[26] Родственникам погибших и пострадавших в автомобильной аварии (нявызн.)(недаступная спасылка). Архівавана з першакрыніцы 24 лютага 2023. Праверана 24 лютага 2023.

[27] «Латают дыры»: на месте аварии под Смолевичами ремонтируют дорогу

[28] Реакция на аварию под Смолевичами? Налоговая, ГАИ и «транспортники» усилят контроль за маршрутками

[29] Встреча с Министром образования Республики Беларусь(недаступная спасылка)

[30] Афиша Масленица

[31] Об изменениях в ПДД после аварий с маршрутками рассказал глава МВД Беларуси

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

Катастрофы ў Беларусі
Тэхнагенныя	Патоп на Дубравенцы (1942) Выбух на Мінскім радыёзаводзе (1972) Чарнобыльская катастрофа (1986) Выбух і пажар на заводзе «Пінскдрэў-ДСП» (2010) Выбух на Светлагорскім цэлюлозна-кардонным камбінаце (2023)
Транспартныя	Крушэнне парахода «Надзея» (1919) Крушэнне цягніка «Вільня — Мінск» на перагоне «Радашковічы — Заслаўе» (1919) Сутыкненне цягнікоў на станцыі «Крыжоўка» (1977) Пажар у аўтобусе ў Мінску (1980) Падзенне аўтобуса пад Хацежынам (1991) Сутыкненне аўтобусаў у Маларыцкім раёне (2011) ДТЗ у Барысаўскім раёне (2020) ДТЗ у Смалявіцкім раёне (2023)
Авіяцыйныя	Катастрофа С-47 пад Маладзечнам (1944) Катастрофа Іл-12 у Мінску (1960) Сутыкненне Мі-4 пад Ружанамі (1974) Катастрофа Ан-24Б пад Мінскам (1979) Катастрофа Іл-76 пад Віцебскам (1979) Катастрофа Як-42 пад Нароўляй (1982) Катастрофа Ту-134А пад Мінскам (1985) Катастрофа Міг-25РУ пад Шчучынам (1992) Збіццё паветранага шара ў Бярозаўскім раёне (1995) Катастрофа Су-27 пад Арабаўшчынай (1996) Катастрофа BAe-125 пад Мінскам (2009) Катастрофа PZL «Kania» пад Высокім (2009) Катастрофа MD-500 пад Мінскам (2010) Катастрофа МіГ-29 пад Ганцавічамі (2010) Катастрофа Eurocopter AS 355 NP на Пастаўшчыне (2011) Катастрофа Мі-24 пад Пружанамі (2011) Катастрофа Як-130 у Баранавічах (2021)
Іншыя	Пажар у Гомелі (1737) Пажар у Мінску (1881) Пажар у Гродне (1885) Пажар ў дзіцячых яслях вёскі Грамошча (1933) Пажар у Клубе НКДБ (1946) Пажар у вёсцы Буса (1957) Выбух у Маладушы (1959) Трагедыя на Нямізе (1999) Пажар у Казлоўшчынскім псіханеўралагічным доме-інтэрнаце (2003) Абвал даху ў Краснапольскай сярэдняй школе (2004) Выбух на станцыі метро «Кастрычніцкая» (2011)