Трагедыя ў Краснаполлі

З пляцоўкі Вікіпедыя
Jump to navigation Jump to search
Абрушванне даху спартыўнай залы ў школе
Тып аварыя
Прычына парушэнне тэхнічных норм падчас будаўніцтва
Месца Краснаполле
Краіна Flag of Belarus.svg Беларусь
Дата 27 студзеня 2004
Час 10:28
Загінулых 4
Пацярпелых ≈ 40
Краснаполле (Беларусь)
Краснаполле
Краснаполле

Абрушванне даху спартыўнай залы ў школе Краснаполля адбылося 27 студзеня 2004 года. У выніку трагедыі загінула 4 чалавекі.[1]

Ход падзей[правіць | правіць зыходнік]

27 студзеня а 10:28 раніцы ў спартыўнай зале сярэдняй школы №1 у пасёлку Краснаполле Магілёўскай вобласці падчас заняткаў па фізкультуры адбылася аварыя, у выніку якой абрынулася сцяна, а за ёй і столь. Падчас трагедыі ў зале знаходзілася каля 40 чалавек. Загінуў настаўнік Пётр Любашэнка і трое вучняў — Саша Прусаў, Аня Акіншына і Віця Баброў. Адзін вучань загінуў на месцы, настаўнік фізкультуры ад атрыманых траўмаў памёр у бальніцы. Яшчэ двое загінулых былі выяўленыя ў ходзе правядзення аварыйна-выратавальных работ каля 19:00.[2][3][4][5]

Трагедыя набыла агульнанацыянальны характар. Для аказання больш аператыўнай дапамогі брыгада сталічных медыкаў на чале з намеснікам міністра аховы здароўя Віктарам Калбанавым на верталёце вылецела ў Краснаполле. Па даручэнні Прэзідэнта Беларусі створана камісія па расследаванні прычын трагедыі. Камісію ўзначаліў намеснік прэм’ер-міністра Анатоль Цюцюноў, у вядзенні якога знаходзіцца Міністэрства па надзвычайных сітуацыях. На месца здарэння выехаў першы намеснік міністра па надзвычайных сітуацыях Энвер Барыеў, які ў той час выконваў абавязкі міністра. На ліквідацыі наступстваў надзвычайнай сітуацыі ў пасёлку працавала больш за сто чалавек, у тым ліку 30 супрацоўнікаў МНС, кінолагі з сабакамі, грамадзянскія рабочыя, мабілізаваны ўвесь асабісты склад раённага аддзела ўнутраных спраў. На месцы абвальвання працавала тэхніка — пад’ёмныя краны, аўтамабілі. Для аказання псіхалагічнай дапамогі пацярпелым школьнікам і іх бацькам з Мінска прыбыла брыгада псіхатэрапеўтаў і псіхолагаў.

Па факце гібелі людзей пракуратурай Магілёўскай вобласці ўзбуджана крымінальная справа.

Будынак[правіць | правіць зыходнік]

Трохпавярховая Краснапольская школа была адкрыта ў 2002 годзе. Будаўніцтва было пачата ў 1988 годзе, але закансервавана на 11 гадоў з-за недахопу грошай. Сродкі на новую школу знайшліся ў 1999 годзе. Уводзілася школа ў два этапы. Спачатку ў 2001 годзе здалі прыбудову, у якой размясціліся 396 дзяцей з пачатковай школы. А праз год быў здадзены асноўны будынак. Усяго ў школе па праекце мог вучыцца 1251 вучань.

У распаўсюджанай МНС Беларусі афіцыйным паведамленні, у прыватнасці, гаворыцца, што ў спорзале, прыбудаваным да будынка школы, абрынулася жалезабетоннае перакрыцце.

На думку спецыялістаў, па характары абвальвання трагедыя можа быць вынікам памылкі праекціроўшчыкаў ці тых, хто праводзіў паўторную экспертызу будынка пасля кансервацыі.

Зноскі

  1. Трагедия в Краснополье (руск.) , Белорусская деловая газета (28/01/2004 - 10:15). Праверана 12 лютага 2019.
  2. Под рухнувшей крышей школы в Краснополье погибли учитель и ученик (руск.) , Камсамольская праўда (28.01.4). Праверана 12 лютага 2019.
  3. Наталья ПАРТОЛИНА, Наталия КРИВЕЦ. Крыша могла накрыть 250 человек (руск.) , TUT.BY (30 студзеня 2004 у 00:00). Праверана 12 лютага 2019.
  4. «Когда потолок в спортзале стал рушиться, я приготовился умирать». Бывшие ученики Краснопольской школы рассказали о нашумевшей трагедии спустя 12 лет (руск.) , Onliner.by . Праверана 12 лютага 2019.
  5. В Краснополье обрушилась школа (руск.) , naviny.by (27.01.2004 / 14:00). Праверана 12 лютага 2019.

Спасылкі[правіць | правіць зыходнік]