Лары

Лары ლარი
Код ISO 4217	GEL
Краіна	Грузія
Складаецца з	100 тэтры
Абменны курс (на ліпень 2007)
1 USD	= 1.67 GEL
1 EUR	= 2.26 GEL
1 RUB	= 0.065 GEL

Ла́ры (груз. ლარი) — грашовая адзінка Грузіі.

Код валюты па ISO 4217: GEL. Уведзеная ў 1995 годзе ў перыяд кіравання Эдуарда Шэварднадзэ. 1 лары = 100 тэтры.

У цяперашні час у звароце знаходзяцца манеты вартасцю 5, 10, 20, 50 тэтры, а таксама 1 і 2 лары, банкноты у 5, 10, 20, 50, і 100 лары.

Серыя 1996—2006 гадоў

Выява		Намінал (лары)	Памеры (мм)	Апісанне	Годы друку
Пярэдні бок	Адваротны бок
		1	115×61	Пярэдні бок: партрэт мастака-прымітывіста Ніко Пірасмані (1862—1918) Адваротны бок: панарама Тбілісі.	1995 1999 2002 2007
		2		Пярэдні бок: партрэт кампазітара Захара Паліяшвілі (1871—1933) Адваротны бок: будынак Грузінскага тэатра оперы і балета імя Паліяшвілі	1995 1999 2002
		5		Пярэдні бок: партрэт гісторыка Івана Джавахішвілі (1876—1940). Адваротны бок: будынак Тбіліскага дзяржаўнага ўніверсітэта; карта Грузіі.	1995 1999 2002 2008 2011 2013
		10	125×63	Пярэдні бок: партрэт паэта Акакія Церэтэлі (1840—1915). Адваротны бок: партрэт маці грузінскага мастака Давіда Какабадзэ.	1995 1999 2002 2007 2008 2012
		20	131×65	Пярэдні бок: партрэт пісьменніка і паэта Ільі Чаўчавадзэ. Адваротны бок: помнік заснавальніку Тбілісі цару Вахтангу I Гаргасалі на фоне карты Тбілісі XVIII ст.	1995 1999 2002 2008 2011 2013
		50	135×66	Пярэдні бок: партрэт царыцы Тамары. Адваротны бок: знак задыяка «Стралец».	1995 1999 2004 2008 2011 2013
		100	140×67	Пярэдні бок: партрэт грузінскага паэта XII ст. Шата Руставелі. Адваротны бок: кампазіцыя з біблейскім сюжэтам — «Данііл ў логаве льва» — рэльефны малюнак з манастыра ў Мартвілі (VII ст.).	1995 1999 2004 2008 2012
		200	146×72	Пярэдні бок: партрэт нациянальнага героя Какуца Чалакашвілі (1888—1930). Адваротны бок: від Сухумі.	2006
Маштаб малюнкаў — 1,0 пікселя на міліметр.

Банкнота ў 500 лары з партрэтам цара Давіда Будаўніка, які трымае ў правай руцэ скрутак, а ў левай — Гелатскі манастыр, і нацыянальным арнаментам ў 1995 была надрукаваная ў Вялікабрытаніі, але так і не выйшла ў абарачэнне. У 2011 годзе Нацыянальны банк Грузіі выпусціў абмежаваную сувенірную серыю гэтых банкнот.

Серыя 2016-2019 гадоў

Банкнота 100 лары 2016 г.

З 2016 года Нацыянальным Банкам Грузіі быў пачаты выпуск новай серыі банкнот. У 2016 годзе былі надрукаваны новыя купюры наміналам 20, 50 і 100 лары, у 2017 - 5 лары, у 2019 - 10 лары.

Нягледзячы на ​​тое, што банкноты новага ўзору даволі моцна адрозніваюцца ад банкнот папярэдняй серыі па каляровай гаме, размяшчэнні элементаў, агульным афармленні і памерах, прысвечаны яны тым жа асобам, што і купюры адпаведных наміналаў узору 1995 года.

Гл. таксама

• Грузінскі купон (купон лары)

Спасылкі

• Манеты краін СНД і Балтыі Архівавана 27 студзеня 2012.
• Нацыянальны банк Грузіі