Латвійская хрысціянская акадэмія

Латвійская хрысціянская акадэмія
лат.: Latvijas Kristīgā akadēmija
Арыгінальная назва	лат.: Latvijas Kristīgā akadēmija
Міжнародная назва	англ.: Latvian Christian Academy
Заснаваны	1993
Тып	прыватная ВНУ
Размяшчэнне	Юрмала
Сайт	kra.lv

Латвійская хрысціянская акадэмія (лат.: Latvijas Kristīgā akadēmija) — латвійская прыватная вышэйшая навучальная ўстанова, якая знаходзіцца ў Юрмале.

Характарыстыка

Вучэльня заснаваная 12 мая 1993 года ў мясцовасці Булдуры ў Юрмале. У акадэміі вучацца студэнты ўсіх хрысціянскіх канфесій. Заснавальнікам універсітэта з’яўляецца Скайдрытэ Гутмане. Акадэмія з’яўляецца камерцыйнай кампаніяй — таварыствам з абмежаванай адказнасцю.

Акадэмія — гэта ўстанова акадэмічнай і прафесійнай вышэйшай адукацыі і навукі, дзе абітурыенты маюць права вучыцца пасля атрымання сярэдняй адукацыі. У Акадэміі рэалізуюцца акадэмічныя і прафесійныя навучальныя праграмы. Пасля засваення навучальных праграм прысуджаецца ступень бакалаўра і магістра.

У 1997 годзе акадэмія атрымала дзяржаўную акрэдытацыю, а ў 1998 годзе адбыўся яе першы выпуск. У 2002 годзе акадэмія пачала ўзнагароджваць тытулам ганаровага доктара грамадзян Латвіі і замежнікаў. У 2003 годзе вучэльня стала членам Вялікай хартыі еўрапейскіх універсітэтаў.

Адукацыйныя праграмы:

• Біблейскае мастацтва
• Тэалогія
• Дабрачынная сацыяльная праца
• Сацыяльная праца
• Упраўленне сацыяльным прадпрымальніцтвам
• Нагляд

Спасылкі

• Сайт установы

• На Вікісховішчы пакуль няма медыяфайлаў па тэме, але Вы можаце загрузіць іх