Леашкі

Вёска Леашкі Краіна Беларусь Вобласць Брэсцкая Раён Бярозаўскі Сельсавет Бярозаўскі Каардынаты 52°34′32″ пн. ш. 24°56′47″ у. д. Насельніцтва ▼96 чал. (2019) Часавы пояс UTC+3 Тэлефонны код +375 1643 Аўтамабільны код 1 СААТА 1208807046 Леашкі на карце Беларусі ±

Леашкі́ (трансліт.: Lieaški, руск.: Леошки) — вёска ў Бярозаўскім раёне Брэсцкай вобласці. Уваходзіць у склад Бярозаўскага сельсавета. Размешчана за 7 км ад Бярозы, за 11 км ад чыгуначнай станцыі Бяроза-Картузская.

Гісторыя

У 1864 годзе вядомы ў Сашыцкай воласці Пружанскага павета Гродзенскай губерні. Паводле перапісу 1897 года, вёска знаходзілася ў Сялецкай воласці, дзейнічаў хлебазапасны магазін. Побач з ёй знаходзіўся аднайменны маёнтак ва ўладанні Дыядора Волкава.

У 1905 годзе дзейнічаў вапнавы завод. З 1915 года акупіраваны германскімі войскамі, з 1919 да ліпеня 1920 года і са жніўня 1920 года — войскамі Польшчы. У ліпені—жніўні 1920 года на кароткі час устаноўлена савецкая ўлада.

З 1921 года ў складзе Палескага ваяводства, у Бяроза-Картузскай гміне, з 1932 года ў Сялецкай гміне.

У выніку пахода Чырвонай Арміі ў Заходнюю Беларусь 17 верасня 1939 года Леашкі апынуліся ў БССР. З 1940 года вёска ў Самойлавіцкім сельсавеце.

У 1941—1944 гадах знаходзілася пад нямецкай акупацыяй. На фронце загінулі 8 воінаў-землякоў. З 1964 года ў Бярозаўскім сельсавеце. Паводле перапісу 1970 года, дзейнічаў крэйдавы завод.

Планіроўка

Планіровачна складаецца з дугападобнай двухбакова забудаванай вуліцы, арыентаванай з захаду на паўднёвы ўсход.

Насельніцтва

• XIX стагоддзе: 1897 год — 64 двары, 394 жыхары, у маёнтку — 4 двары, 31 жыхар.
• XX стагоддзе: 1905 — 470 жыхароў, у маёнтку 17 жыхароў, пры вапнавым заводзе — 10 чалавек, 1940 год — 72 двары, 431 жыхар, 1959 год — 112 гаспадарак, 445 жыхароў, 1970 год — 475 жыхароў.
• XXI стагоддзе: 2005 год — 108 двароў, 183 жыхары.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх