Малое Вольжава

Вёска Малое Вольжава Краіна Беларусь Вобласць Гродзенская Раён Лідскі Сельсавет Тарноўскі Каардынаты 53°49′51″ пн. ш. 25°12′00″ у. д. Насельніцтва ▼24 чал. (2009) Часавы пояс UTC+3 Тэлефонны код +375 154 Паштовыя індэксы 231328 Аўтамабільны код 4 СААТА 4236852071 Малое Вольжава Малое Вольжава

Малое Вольжава, Малое Ольжава — вёска ў Беларусі, у Тарноўскім сельсавеце Лідскага раёна Гродзенскай вобласці.

Знаходзіцца за 8 км на паўднёвы захад ад горада Ліда.

Гісторыя

Польскі гісторык Ян Глінка ў працы пра род Клаўсуцяў, указаў, што Ольжава, а таксама Малое і Вялікае Ольжава, якія былі часткай адзінай маёмасці, з XV ст. належала гэтаму роду. У XVI ст. Малое Ольжава належала пані Раклёвай.

У вопісе парафій Лідскага дэканату ў 1784 годзе ў лідскай парафіі згадваецца двор Нелюбоўскага, Альшэўскага, падстолія лідскага. Дарога з Ліды да Белагруды цягнулася каля Раклёўцаў далей на Ольжаў-Нелюбоўскі.

На пачатку ХХ ст. вядома як фальварак Маўрасаў Тарноўскай воласці Лідскага павета, 41 жыхар, 300 дзесяцін зямлі. Паводле польскага перапісу насельніцтва 1921 г. фальварак Тарноўскай гміны Лідскага павета, 3 жылых пабудовы, 53 жыхары.

Насельніцтва

• 1921 год — 53 чал.
• 1996 год — 56 чал. (27 двароў)
• 2004 год — 34 чал. (21 двор)
• 2009 год — 24 чал.

Літаратура

• Памяць: Ліда. Лідскі р-н: Гіст.-дак хронікі гарадоў і р-наў Беларусі / Рэдкал В. Баранаў і інш. — Мн.: Беларусь, 2004. ISBN 985-01-0522-4
• Лаўрэш Леанід. Ольжава // Лідскі Летапісец. 2020. № 3(91). С. 33-43. // на pawet.net