Марцін Арцюх

Марцін Арцюх
Агульная інфармацыя
Нарадзіўся	6 мая 1996(1996-05-06) (24 гады) Ваўкавыск, Ваўкавыскі раён, Гродзенская вобласць, Беларусь
Грамадзянства	Беларусь
Рост	173 см
Вага	67 кг
Пазіцыя	паўабаронца, нападнік
Інфармацыя пра клуб
Клуб	Слонім-2017
Кар’ера
Клубная кар’ера*
2018	Слонім-2017	14 (2)
2018 — 2019	Гарадзея	7 (0)
2020 —	Слонім-2017
* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 красавіка 2020.

Марцін Арцюх (нар. 6 мая 1996) — беларускі футбаліст, паўабаронца клуба «Слонім-2017».

Клубная кар’ера

Да 2018 года не гуляў на прафесійным узроўні, выступаючы за родную ваўкавыскую «Змену» ў чэмпіянаце Гродзенскай вобласці. У пачатку 2018 года разам з аднаклубнікам Вадзімам Дзярнейкам праходзіў прагляд у клубе Першай лігі «Слонім-2017» і ў выніку пачаў у яго складзе сезон 2018. У складзе слонімскай каманды стаў трывала з’яўляцца на полі, у асноўным выходзячы на замену.

У жніўні 2018 года быў запрошаны на прагляд у «Гарадзею» і неўзабаве падпісаў кантракт. Дэбютаваў у Вышэйшай лізе 24 верасня 2018 года ў матчы супраць гродзенскага «Нёмана» (0:2), выйшаўшы на замену ў канцы сустрэчы. У сезоне 2018 яшчэ чатыры разы выйшаў на замену ў асноўнай камандзе, гуляў таксама за дубль, у лістападзе адсутнічаў з-за траўмы. У сезоне 2019 гуляў у асноўным за дубль «Гарадзеі», зрэдку прыцягваўся да асноўнай каманды, часам адсутнічаў з-за траўм. У снежні 2019 года падоўжыў кантракт з «Гарадзеяй» на два гады, аднак у красавіку 2020 года па пагадненні бакоў пакінуў каманду і неўзабаве вярнуўся ў «Слонім-2017».

Статыстыка выступленняў

Сезон	Дывізіён	Клуб	Краіна	Матчы	Галы
2018 (1)	Д2	Слонім-2017		14	2
2018 (2)	Д1	Гарадзея		5	0
2019	Д1	Гарадзея		2	0

Спасылкі

• Профіль на сайце transfermarkt.com (англ.) 
• Статыстыка на сайце footballfacts.ru (руск.) 
• Профіль на сайце by.tribuna.com (руск.) 
• Профіль на сайце soccerway.com (руск.) 
• Профіль на сайце teams.by (руск.) 
• Профіль на сайце pressball.by (руск.)