Мечыслаў Эдвардавіч Часноўскі

Мечыслаў Эдвардавіч Часноўскі
Дата нараджэння	18 мая 1948(1948-05-18) (72 гады)
Месца нараджэння	Коцеўшчына, Вішнеўскі сельсавет, Валожынскі раён, Баранавіцкая вобласць, БССР, СССР
Грамадзянства	СССР  Беларусь
Род дзейнасці	дыпламат, гісторык
Навуковая сфера	гісторыя
Месца працы	факультэт міжнародных адносін БДУ
Навуковая ступень	доктар гістарычных навук (2001)
Навуковае званне	прафесар
Альма-матар	гістарычны факультэт БДУ (1972)
Партыя	КПСС
Узнагароды	Выдатнік адукацыі Рэспублікі Беларусь[d] (1998)

Мечыслаў Эдвардавіч Часноўскі (нар. 18 мая 1948, в. Коцеўшчына, Валожынскі раён, Мінская вобласць) — беларускі гісторык, дыпламат. Доктар гістарычных навук (2001).

Біяграфічныя звесткі

У 1972 годзе скончыў гістарычны факультэт Белдзяржуніверсітэта. У 1985—1993 гадах — намеснік дэкана гістарычнага факультэта, дэкан факультэта павышэння кваліфікацыі БДУ. У 1993—1996 гадах — на дыпламатычнай рабоце ў Міністэрстве замежных спраў Рэспублікі Беларусь. Працаваў саветнікам, Часовым Павераным у справах Рэспублікі Беларусь у Рэспубліцы Польшча. З 1996 года — зноў у БДУ. Адзін са стваральнікаў факультэта міжнародных адносін, намеснік дэкана, дацэнт, а з 2001 года — прафесар кафедры міжнародных адносін. З лістапада 2002 года па 2014 год — рэктар Брэсцкага дзяржаўнага ўніверсітэта імя А. С. Пушкіна.

У рамках міжнародных санкцый супраць рэжыму Лукашэнкі(бел. (тар.)) бел. ў Беларусі пасля здушэння апазіцыі пасля прэзідэнцкіх выбараў 2010 года Мечыслаў Часноўскі стаў суб’ектам забароны на паездкі і замарожвання актываў Еўрапейскім Саюзам як частка спісу беларускіх чыноўнікаў, адказных за палітычныя рэпрэсіі, падтасоўку вынікаў галасавання і прапаганду. У сваім рашэнні Еўрапейскі савет абвінаваціў Часноўскага ў «адлічэнні студэнтаў, якія ўдзельнічалі ў пратэстах пасля выбараў у снежні 2010 года».

Сям’я

• Сын — Часноўскі Аляксандр Мечыслававіч — cаветнік-пасланнік Пасольства Рэспублікі Беларусь у Рэспубліцы Польшча

Выбраная бібліяграфія

• Постсацыялістычныя краіны на шляху пераўтварэнняў і еўрапейскай інтэграцыі: вучэбн. дапаможнік / М. Э. Часноўскі. — Мн.: Веды, 1997. — 120 с. — ISBN 985-6390-36-2.
• Эвалюцыя грамадскага ладу і міжнароднай палітыкі сучаснай Польшчы // Белорусский журнал международного права и международных отношений. — 1998. — № 2.
• Палітыка Расіі адносна краін Цэнтральнай і Усходняй Еўропы: погляд з Варшавы // Белорусский журнал международного права и международных отношений. — 1998. — № 4.
• Беларускі аспект усходняй палітыкі Польшчы ў 1996—1999 гг. // Белорусский журнал международного права и международных отношений. — 2000. — № 2.
• Праблема рэгіянальнай стабільнасці ў Цэнтральнай і Усходняй Еўропе ў канцы XX ст. // Белорусский журнал международного права и международных отношений. — 2000. — № 3.
• Еўрарэгіёны і іх роля ў постсацыялістычным развіцці краін Цэнтральнай і Усходняй Еўропы // Беларусь в современном мире: материалы I Республиканской научной конференции, 22—23 октября 2002 г. / редкол.: А. В. Шарапо [и др.]. — Минск: БГУ, 2003.