Міхаіл Міхайлавіч Жызнеўскі

З пляцоўкі Вікіпедыя
(Пасля перасылкі з Міхаіл Жызнеўскі)
Перайсці да: рух, знайсці
Міхаіл Жызнеўскі
Міхаіл Міхайлавіч Жызнеўскі
Партрэт
Род дзейнасці:

журналіст

Дата нараджэння:

26 студзеня 1988(1988-01-26)

Месца нараджэння:

Гомель, Беларуская ССР, СССР

Грамадзянства:

Беларусь

Дата смерці:

22 студзеня 2014(2014-01-22) (25 гадоў)

Месца смерці:

Кіеў, Украіна

Бацька:

Міхаіл Пятровіч Жызнеўскі

Маці:

Ніна Васільеўна Жызнеўская

Узнагароды і прэміі:
Ордэн Герояў Нябеснай Сотні Герой Украіны
Commons-logo.svg Міхаіл Жызнеўскі на Вікісховішчы

Міхаі́л Жызне́ўскі (1988, Гомель — 2014, Кіеў) — кавалер ордэна Героя Нябеснай сотні, пазаштатны карэспандэнт украінскай газеты «Саборная Кіеўшчына» (укр.: Соборна Київщина), грамадзянін Беларусі. Раніцай 22 студзеня 2014 года ў бяззбройным стане быў забіты стрэлам паляўнічай кулі ў сэрца на вуліцы Грушэўскага ў Кіеве падчас Еўрамайдана. Герой Украіны.

Біяграфія[правіць | правіць зыходнік]

Маленства правёў у вёсцы маці Сцяг Працы (Гомельскі раён). Год навучаўся ў ваенным класе сярэдняй школы № 15 Гомеля. Займаўся каратэ ў спартыўным комплексе. Наведваў царкву, дзе насіў харугву за святаром. Пасля 10-га класа паступіў у прафесійнае вучылішча на газаэлектразваршчыка. У рыцарскім клубе вучыўся вырабляць даспехі.

У 2005 г. 17-гадовым юнаком з'ехаў разам з клубным кіраўніком ва Украіну, дзе жыў у горадзе Біла Цэрква (Кіеўская вобласць)[1]. Браў удзел у казацкім грамадскім аб'яднанні «Украінская народная самаабарона» (УНСА), што ёсць падраздзяленнем партыі «Украінская нацыянальная асамблея» (УНА). Ва УНСА яго ведалі пад імем Аляксей і мянушкай «Локі»[2].

У снежні 2013 г. прыехаў з Білай Цэрквы ў Кіеў на заданне рэдакцыі газеты «Саборная Кіеўшчына» ў якасці няштатнага карэспандэнта[3].

Узнагароды[правіць | правіць зыходнік]

  • Герой Украіны з уручэннем ордэна «Залатая Зорка» (13 чэрвеня 2017, пасмяротна) — за асабістую мужнасць і гераічнае адстойванне прынцыпаў дэмакратыі, правоў і свабод чалавека, самаадданае служэнне ўкраінскаму народу, выяўленыя падчас Рэвалюцыі годнасці[4].

Ушанаванне памяці[правіць | правіць зыходнік]

24 студзеня 2014 г. вершы, прысвечаныя Міхаілу Жызнеўскаму, напісалі Эдуард Акулін[5] і Алесь Кіркевіч[6], 29 студзеняМіхась Скобла[7].

26 студзеня 2014 г. у кіеўскім Свята-Міхайлаўскім саборы УПЦ КП прайшло адпяванне, развітанне і жалобная працэсія з удзелам некалькіх тысяч украінцаў, у тым ліку лідараў апазіцыйных фракцый у Вярхоўным Савеце Украіны (Віталь Клічко, Алег Цягнібок і Арсеній Яцанюк). З прычыны жалобы на плошчы Незалежнасці адмянілі штонядзельнае Народнае веча.

Увечары 28 студзеня яго пахавалі ў в. Сцяг Працы (Гомельскі раён, Беларусь). Адпяванне правёў праваслаўны святар Леанід Акаловіч. Перад пахаваннем труну накрылі бел-чырвона-белым сцягам[8].

26 лістапада 2014 г. у Кіеве на вуліцы Грушэўскага адкрылі помнік у гонар Міхаіла Жызнеўскага[9]. 27 лістапада прэзідэнт Украіны Пётр Парашэнка ўзгародзіў яго ордэнам Героя Нябеснай сотні, які асабіста перадаў яго бацькам падчас прыёму ў сваёй сталічнай рэзідэнцыі[10].

Імя і фотаздымак Міхаіла Жызнеўскага ўсталяваныя на помніку беларусам, якія загінулі за Украіну. Помнік знаходзіцца на Беларускай вуліцы ў Кіеве, адкрыты 28 сакавіка 2016 года.[11]

Водгукі[правіць | правіць зыходнік]

Гл. таксама[правіць | правіць зыходнік]

Зноскі

  1. Алена Германовіч, Таццяна Каравянкова Блізкія забітага ў Кіеве беларуса спрабуюць вырашыць праблему з дастаўкай яго на радзіму. БелаПАН (23 студзеня 2014). Праверана 31 студзеня 2014.
  2. Цела забітага на Майдане беларуса адправяць на радзіму ў нядзелю. Радыё «Свабода» (24 студзеня 2014). Праверана 31 студзеня 2014.
  3. Міхаіл Жызнеўскі збіраў на барыкадах інфармацыю для газеты. Радыё «Свабода» (24 студзеня 2014). Праверана 31 студзеня 2014.
  4. Указ Президента України №158/2017 Про присвоєння М.Жизневському звання Герой України
  5. Эдуард Акулін Памяці Міхала Жызнеўскага. Наша Ніва (24 студзеня 2014). Праверана 6 лютага 2014.
  6. Алесь Кіркевіч Выдатны верш, але не для цябе. Наша Ніва (24 студзеня 2014). Праверана 6 лютага 2014.
  7. Міхась Скобла Якога колеру снег Міхася Жызнеўскага. Радыё «Свабода» (29 студзеня 2014). Праверана 6 лютага 2014.
  8. Алена Германовіч Пад Гомелем адбылося пахаванне Міхаіла Жызнеўскага. БелаПАН (28 студзеня 2014). Праверана 31 студзеня 2014.
  9. У Кіеве паставілі помнік беларусу Міхаілу Жызнеўскаму. Белсат (26 лістапада 2014). Праверана 9 лютага 2015.
  10. Пятро Парашэнка сустрэўся з бацькамі Міхаіла Жызнеўскага. Радыё «Свабода» (28 лістапада 2014). Праверана 9 лютага 2015.
  11. Мэмарыяльны знак беларусам, якія загінулі за Ўкраіну, адкрыты ў Кіеве. Радыё "Свабода" (28 сакавіка 2016)
  12. ЗЯНОН ПАЗЬНЯК: "НАШ БЕЛАРУСКІ ВОЛЬНЫ ДУХ" // Беларускім добраахвотнікам — ваярам за вольную Украіну супраць расейскай агрэсіі
  13. Валерий Гришковец. "Воины света", несущие мрак. LitKritika.BY (21.03.2017).

Спасылкі[правіць | правіць зыходнік]