Нацыянальная бібліятэка Польшчы

Нацыянальная бібліятэка Польшчы польск.: Biblioteka Narodowa
польск.: Biblioteka Narodowa
Краіна	Польшча
Адрас	Алея Незалежнасці, Варшава
Заснавана	24 лютага 1928
Код ISIL	OCLC-PONLW і PL-WaBN
Фонд
Аб'ём фонду	8 700 000 адзінак захоўвання
Іншая інфармацыя
Дырэктар	Томаш Макоўскі
Вэб-сайт	Biblioteka Narodowa
Узнагароды
Медыяфайлы на Вікісховішчы

Нацыянальная бібліятэка Польшчы (польск.: Biblioteka Narodowa w Warszawie) — найбуйнейшая польская навуковая бібліятэка, падначаленая Міністэрству культуры і нацыянальнай спадчыны. Бібліятэка знаходзіцца ў Варшаве. Спецыяльныя фонды захоўваюцца ў Палацы Красінскіх. Нацыянальная бібліятэка Польшчы атрымоўвае абавязковы экзэмпляр усіх публікацый, якія выходзяць у свет у Польшчы. Акрамя Варшаўскай бібліятэкі статус нацыянальнай таксама мае Бібліятэка Ягелонскага ўніверсітэта ў Кракаве.

Гісторыя

Першая нацыянальная бібліятэка была заснавана ў Польшчы ў XVIII стагоддзі. Яе заснавалі варшаўскія епіскапы браты Залускія. У 1774 годзе Бібліятэка Залускіх перайшла да камісіі па нацыянальнай адукацыі. У 1817 годзе ў Львове была заснавана бібліятэка Асалінеўм — адна з найбольш значных культурных устаноў Галічыны. 24 лютага 1928 года была заснавана цяперашняя нацыянальная бібліятэка Польшчы. Адкрыццё бібліятэкі адбылося ў 1930 годзе.

Да Другой сусветнай вайны бібліятэка мела ў сваіх фондах:

• 3000 старадрукаваных кніг,
• 2200 інкунабул,
• 52000 рукапісаў,
• калекцыю карт, ікон і нотных партытур.

У 1940 годзе фонды бібліятэкі былі падначалены нямецкай акупацыйнай уладзе. Нямецкамоўныя выданні былі забраны і выстаўлены для выкарыстання выключна немцамі ў памяшканні на той час зачыненага Варшаўскага ўніверсітэта. Каштоўныя кнігі былі пераведзены ў Палац Красінскіх у Варшаве. Пасля паражэння Варшаўскага паўстання 1944 года ўсе гэтыя кнігі былі спалены.

Фонды бібліятэкі

На сённяшні дзень Нацыянальная бібліятэка Польшчы мае ў сваіх фондах больш за 7 900 000 адзінак захоўвання (звесткі на 2004 год). У сховішчах бібліятэкі было больш за 160 000 тамоў, выдадзеных да 1801 года, 26 000 рукапісаў (з якіх 6 887 нотных рукапісаў), 114 000 партытур, 101 000 атласаў і карт, 2 000 000 кніг, 800 000 гадавых камплектаў часопісаў XIX-XXI стагоддзяў.

Спасылкі

• На Вікісховішчы ёсць медыяфайлы па тэме Нацыянальная бібліятэка Польшчы
• biblioteka Narodowa (польск.)