Нефтыда

Нефтыда
Міфалогія	Рэлігія Старажытнага Егіпта і Kemetism[d]
Сфера ўплыву	funeral rite[d]
Пол	жанчына
Бацька	Геб
Маці	Нут
Браты і сёстры	Ісіда, Асірыс і Сет
Муж	Сет
Дзеці	Анубіс
Медыяфайлы на Вікісховішчы

Нефтыда (грэч.), Небетхет (стар.-егіп. «Спадарыня абіцелі») — у егіпецкай міфалогіі малодшая з дзяцей Геба і Нут. Багіня геліопальскай Энеады.

Малявалася ў вобразе жанчыны з іерогліфам свайго імя на галаве (дом з будаўнічым кошыкам наверсе). Лічылася жонкай Сета і шанавалася ў гэтай якасці, але, мяркуючы па тэкстах, вельмі мала з ім звязана. Яе сутнасць у егіпецкай рэлігійнай літаратуры амаль не раскрыта. У міфалагічных тэкстах, аднак, Нефтыда выступае разам з сястрой Ісідай у містэрыях Асірыса і ва ўсіх памінальных магічных абрадах. Яна разам з Ісідай аплаквае Асірыса, удзельнічае ў пошуках яго цела, ахоўвае яго мумію, стоячы ля падгалоўя яго ложа. Абедзве сястры ля ўсходняга неба сустракаюць памерлага. Нефтыда з’яўлялася спадарожніцай Ра ў яго начным плаванні па падземных водах.

Паводле «Тэкстаў пірамід», Нефтыда плавае ў начной барцы (Ісіда — у дзённай). Нефтыда, Ісіда і Селкет атаясняліся з сакаліхамі, таму іх часта выяўляюць на саркафагах у выглядзе крылатых жанчын, як абаронцаў памерлых. У якасці выявы Нефтыды нярэдка выступала Сешат.