Опра Уінфры

Опра Уінфры
англ.: Oprah Gail Winfrey
Імя пры нараджэнні	англ.: Orpah Gail Winfrey
Род дзейнасці	тэлевядучая, мецэнат, тэлепрадзюсар, кінапрадзюсар, бізнесмен, актрыса, актрыса агучвання, пісьменніца, вядоўца ток-шоу, аўтабіёграф, журналістка, падкастарка
Дата нараджэння	29 студзеня 1954(1954-01-29)[…] (72 гады)
Месца нараджэння	Касіаско, Attala County[d], Місісіпі, ЗША
Грамадзянства	ЗША
Бацька	Vernon Winfrey[d]
Маці	Vernita Lee Winfrey[d]
Дзеці	Canaan Winfrey[d]
Месца працы	WVOL[d] WTVF[d] WJZ-TV[d] WLS-TV[d] Harpo Productions[d]
Альма-матар	Універсітэт штата Тэнесі () Lincoln High School[d] () Nicolet High School[d] () East Nashville Magnet High School[d] () Універсітэт Тэнесі ()
Партыя	Дэмакратычная партыя ЗША ()
Член у	Амерыканская акадэмія мастацтваў і навук ()
Узнагароды і прэміі	прэмія Пібадзі (1995) ганаровы доктар Гарвардскага ўніверсітэта[d] (2013) Time 100[d] (2004, 2005, 2006, 2007, 2009, 2010, 2012) медаль Спінгарна[d] (2000) прэмія «Эмі» за найлепшы тэлефільм[d] прэмія Марыян Андэрсан[d] (2003) Нацыянальная зала славы жанчын[d] (1994) прэмія Гарацыа Элджэра[d] (1993)
Аўтограф
Сайт	oprah.com (англ.)
Медыяфайлы на Вікісховішчы

Опра Гэйл Уінфры (нар. 29 студзеня 1954, Касцюшка, штат Місісіпі, ЗША) — амерыканская тэлевядучая, журналістка і актрыса. Самая ўплывовая жанчына шоубізнесу па версіі часопіса «Forbes», самая багатая жанчына і афраамерыканка ў свеце.

Кар’ера

Опра Уінфры працавала і вучылася ва ўніверсітэце: яна была самым маладым рэпарцёрам у мясцовых СМІ і першай афраамерыканскай жанчынай-рэпарцёрам тэлебачання Нэшвіла. У 18 гадоў выйграла ў тэатралізаваным конкурсе прыгажосці «Miss Black Tennessee», а ўжо ў 1976 годзе перайшла на WJZ-TV у горадзе Балтымар, стала памочніцай шасцігадзінных навін і яе пачалі прызнаваць мясцовай знакамітасцю.

На хвалі першай папулярнасці Опра Уінфры засноўвае медыя-кампанію «Harpo Productions», якая цяпер з’яўляецца адной з найбуйнейшых кампаній у свеце. У 1976 годзе Уінфры ўладкавалася на працу на тэлеканал WJZ-TV дыктаркай навін, а пасля стала вядучай ранішняга шоў.

У 1983 годзе пераходзіць на канал WLS-TV і становіцца вядучай навін. На працягу некалькіх месяцаў адкрыты, спачувальны асабісты стыль Уінфры змог здабыць шалёную папулярнасць. Рэйтынгі канала хутка пайшлі ўверх. На хвалі агульнанацыянальнага поспеху Уінфры атрымлівае ролю ў фільме Стывена Спілберга «Барва пурпурная», за якую намінаваная на Оскар.

У 1986 годзе запускае ўласнае ток-шоу. Уінфры выкарыстала шоў у якасці адукацыйнай платформы, дэманструючы кніжныя клубы, інтэрв’ю і сегменты самаўдасканалення. «Шоу Опры Уінфры» праіснавала 25 гадоў. Толькі за першыя два гады яно прынесла каля $ 125 млн прыбытку. А праз 10 гадоў з моманту запуску стала самым папулярным шоу у ЗША і дэманстравалася яшчэ ў 64 краінах свету. За ўвесь жа час існавання шоу з’явілася ў 146 краінах. У 2011 годзе выйшаў апошні 4 561 выпуск.

Пасля закрыцця шоу Опра запусціла уласны тэлеканал OWN. Нягледзячы на спрэчны старт, канал атрымаў сваё ў студзені 2013 года, калі Уінфры перадала ў эфір інтэрв’ю з Лэнсам Армстронгам, амерыканскім веласіпедыстам і сяміразовым пераможцам Тур дэ Франс, які быў пазбаўлены сямі тытулаў у 2012 годзе з-за абвінавачванняў у допінгу. Падчас інтэрв’ю Армстранг прызнаўся, што выкарыстаў стымулятары на працягу сваёй кар’еры. Гэта размова прынесла мільённыя прыбыткі для канала. Афіцыйны канал YouTube OWN мае каля 2,5 мільёна падпісчыкаў.

У 2000 годзе Опра Уінфры заснавала штомесячны друкаваны часопіс «О, часопіс Опры». У 2012 годзе аднавіла працу кніжнага клуба пад назвай «Кніжны клуб Опры 2.0», пачынаючы з мемуараў «Дзікая: небяспечнае падарожжа як спосаб здабыць сябе» аўтара Шэрыл Стрэйд. Кнігі, выбраныя Опрай Уінфры для чытання ў клубе, хутка становяцца бэстсэлерамі. Гэты феномен атрымаў назву «Эфект Опры».

Дабрачыннасць

У 2005 годзе Опру Уінфры назвалі найбуйнейшым афраамерыканскім філантропам у гісторыі. Яе арганізацыя «Oprah’s Angel Network» сабрала больш за 51 млн долараў для дабрачынных праграм, уключаючы асвету дзяўчат у Паўднёвай Афрыцы і дапамогу ахвярам урагану «Катрын». У 2007 годзе Опра Уінфры засноўвае школу для дзяўчат.

Опра Уінфры — адданая актывістка ў барацьбе за правы дзяцей. У 1994 годзе прэзідэнт Біл Клінтан зацвердзіў законапраект, які яна прапанавала Кангрэсу, стварыўшы агульнанацыянальную базу дадзеных асуджаных за разбэшчванне непаўналетніх.