Перайсці да зместу

Палажэвіцкі сельсавет

З Вікіпедыі, свабоднай энцыклапедыі
Палажэвіцкі сельсавет
Краіна  Беларусь
Статус сельсавет
Уваходзіць у Старадарожскі раён
Уключае 13 населеных пунктаў
Адміністрацыйны цэнтр Палажэвічы
Дата ўтварэння 16 ліпеня 1954
Старшыня Прымачэнка Людміла Уладзіміраўна
Насельніцтва (2019) 1 218
Плошча 154,52 км²
Часавы пояс +2
Код аўтам. нумароў 5
Афіцыйны сайт

Палажэ́віцкі сельсаве́т — адміністрацыйна-тэрытарыяльная адзінка ў складзе Старадарожскага раёна Мінскай вобласці Беларусі. Цэнтр — аграгарадок (да 2008 г. вёска) Палажэвічы.

Геаграфія

[правіць | правіць зыходнік]

Сельсавет размешчаны за 17 кіламетраў на паўднёвы ўсход ад горада Старыя Дарогі. Мяжуе з Пасецкім і Старадарожскім сельскімі Саветамі Старадарожскага раёна, землямі Любанскага раёна Мінскай вобласці і Глускага раёна Магілёўскай вобласці.

Гісторыя

[правіць | правіць зыходнік]

Палажэвіцкі сельсавет утвораны 16 ліпеня 1954 года ў складзе Старадарожскага раёна Мінскай вобласці БССР шляхам аб’яднання скасаваных Кармазоўскага і Крываноскага сельсаветаў[1]. З 25 снежня 1962 года па 30 ліпеня 1966 года ў складзе Слуцкага раёна. У 1967 годзе ў склад сельсавета з Старадарожскага сельсавета перададзена вёска Шчыты[2]. На 1 студзеня 1974 года ў складзе сельсавета было 13 населеных пунктаў[3].

Населеныя пункты

[правіць | правіць зыходнік]

У склад сельсавета ўваходзяць 13 населеных пунктаў:

Насельніцтва

[правіць | правіць зыходнік]

Насельніцтва сельсавета паводле перапісу 2009 года — 1402 чалавекі[4], з іх 95,9 % — беларусы, 2,4 % — рускія, 0,7 % — украінцы[5]; паводле перапісу 2019 года — 1218 чалавек[6].

Вытворчая сфера

[правіць | правіць зыходнік]
  • Палажэвіцкае лясніцтва ДЛГУ «Старадарожскі лясгас»
  • ААТ «Палажэвічы»
  • КУСП «Прусы».

Сацыяльна-культурная сфера

[правіць | правіць зыходнік]
  • Ахова здароўя: два фельчарска-акушэрскіх пунктаў, адна ўрачэбная амбулаторыя, бальніца сястрынскага догляду.
  • Адукацыя: вучэбна-педагагічны комплекс дзіцячы сад-сярэдняя школа, адна агульнаадукацыйная сярэдняя школа, адна дашкольная ўстанова.
  • Сацыяльнае забеспячэнне: Дамы сацыяльных паслуг у в. Дарошкавічы, Межылессе і Стражы.
  • Культура: Палажэвіцкі цэнтр культуры і адпачынку, Прускі сельскі дом культуры, два сельскія клубы, тры бібліятэкі.

Зноскі

  1. ↑ Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
  2. ↑ Рашэнні выканкома Мінскага абласнога Савета дэпутатаў працоўных ад 11 і 25 мая 1967 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 18 (1176).
  3. ↑ Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 160. — 248 с. — 10 000 экз.
  4. ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
  5. ↑ Этнічны склад насельніцтва сельсаветаў Беларусі паводле перапісу 2009 года
  6. ↑ Колькасць насельніцтва населеных пунктаў Мінскай вобласці Беларусі паводле перапісу 2019 года

Літаратура

[правіць | правіць зыходнік]
  • Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Узята з "https://be.wikipedia.org/w/index.php?title=Палажэвіцкі_сельсавет&oldid=4704274"