Пастар

Пастар (іўр.: רועה, лац.: pastor «пастух» ці «пастыр») — біблейскі тэрмін, які ўказвае на абавязак пастыра клапаціцца пра царкву, гэта значыць паству (алегарычна «статак авечак»). У лютэранскіх абшчынах пастары — гэта людзі, закліканыя для публічнай пропаведзі і здзяйснення таінстваў. Неафіцыйна выкарыстоўваюцца «пастыр» і «пастар» у дачыненні да святароў у каталіцтве і праваслаўі.

Пастар у пратэстанцтве

Пратэстанцтва прытрымліваецца канцэпцыі "ўсеагульнага святарства" і ў пратэстанцтве пастар не разглядаецца як святар, які мае адмысловы статус, які адрозніваецца ад статусу іншых членаў царквы, ён разглядаецца як асоба, якая займае пэўнае служэнне і мае адпаведнае пасвячэнне. Пратэстанцкі пастар з'яўляецца прапаведнікам юрыдычна зарэгістраванай рэлігійнай арганізацыі. Пратэстанцтва запазычыла слова «прэсвітар» і «епіскап» з Бібліі, а слова «пастар» выкарыстоўваецца ў якасці сіноніма гэтых тэрмінаў. У нямецкай кангрэгацыі выкарыстоўваецца словазлучэнне ням.: Herr Pastor (спадар пастар). У некаторых дэнамінацыях ранняга пратэстанцтва пастарскае адзенне — чорная кашуля і белы каўнерык, у канфесіях позняга пратэстанцтва — класічны еўрапейскі касцюм.

Гл. таксама

• Хрысціянства
• Каталіцтва, Усходнекаталіцкія цэрквы
• Праваслаўе
• Пратэстантызм
• Секта, Ерась
• Гісторыя хрысціянства

Літаратура

• Пастор // Христианство: Словарь/ Под общ. ред. Л. Н. Митрохина.— М.:«Республика», 1994. — с. 339. ISBN 5-250-02302-9.
• под ред. д-ра Подольского Б., д-ра Профьева Д., Уваль Э., «Иврит-русский, Русско-ивритский (Словарь)», изд. Рольник (Хакибуц хамеухад), г. Тель-Авив, 1993 г. ISBN 965-326-010-3 стр. 502, 312;
• с разрешения церковных властей (синодальный перевод Библии), «Библия (книги Священного Писания Ветхого и Нового Завета в русском переводе с приложениями)», издательство «Жизнь с Богом», Брюссель, четвёртое издание, Imprime en Belgique, D. L. 0362 — 1 — 1989, стр. 2406.

Спасылкі

• Схематычная гісторыя хрысціянства;