Сафійск
Вёска
Сафійск 
Сафійск на карце Беларусі ±   | ||||||||||||||||||||||
Сафі́йск[1] (трансліт.: Safijsk, руск.: Софийск) — вёска ў Магілёўскім раёне Магілёўскай вобласці. Уваходзіць у склад Сухарэўскага сельсавета.
Геаграфічнае становішча[правіць | правіць зыходнік]
Знаходзіцца за 28 кіламетраў на ўсход ад Магілёва, 23 кіламетры ад чыгуначнай станцыі Лупалава на лініі Магілёў—Крычаў. Рэльеф раўнінны. Транспартная сувязь па шашы Магілёў—Мсціслаў.
Гісторыя[правіць | правіць зыходнік]
У складзе Расійскай імперыі[правіць | правіць зыходнік]
Вёска заснавана ў 19 стагоддзі ў Расійскай імперыі ў сувязі с перасяленнем сюды сялян з Ковенскай і Віленскай губерняў. Памешчык тут меў у 1878 годзе 1801 дзесяціну зямлі.
Паводле перапісу 1897 г. вёска (34 двары, 221 жыхар) у Гладкаўскай воласці Чавускага павета Магілёўскай губерні. У 1909 г. 36 двароў, 200 жыхароў.
У 1916 г. адкрыта земская школа, якая размясцілася ў наёмным памяшканні.
Найноўшы час[правіць | правіць зыходнік]
На базе земскай створана працоўная школа 1-й ступені, у якой у 1925 г. было 53 вучні з вёсак Сафійск, Малыя Сухары, Сухары, Бушкава, Кіркоры, пасёлка Пласкоў і хутара Паплавы.
З 20 жніўня 1924 г. ў Сухарэўскім сельсавеце Лупалаўскага раёна Магілеўскай акругі (да 26 ліпеня 1930 г.), з 2 сакавіка 1931 г. Чавускага раёна, з 20 лютага 1938 г. ў Магілеўскай вобласці.
У 1926 г. 57 двароў, 352 жыхары.
Вясной 1928 г. арганізаваны калгас, працавала кузня. Калгас атрымаў з Амерыкі ад літоўцаў-эмігрантаў падарунак — трактар.
У 1936 г. ў пачатковай школе было 118 вучняў, дзейнічала бібліятэка.[2]
Перад Вялікай Айчыннай вайной 89 дамоў, 240 чалавек.[3]
У Вялікую Айчынную вайну з ліпеня 1941 г. па 27 чэрвеня 1944 г. акупіравана нямецка-фашысцкімі захопнікамі. Падчас акупацыі разбурана 18 дамоў, забіт 1 чалавек. [3]
З 22 студзеня 1965 г. ў Магілеўскім раёне.
У 1990 г. 32 гаспадаркі, 55 жыхароў, у складзе калгаса «Камуністычны маніфэст» (цэнтр — вёска Сухары). Размяшчалася ферма буйной рагатай жывёлы, працавала 8-гадовая школа.
У 2009 г. — 18 чалавек.
Планіроўка[правіць | правіць зыходнік]
Планіровачна складаецца з прамалінейнай вуліцы, арыентаванай з паўднёвага захаду на паўночны ўсход уздоўж шашы. На паўднёвай ускраіне — гаспадарчы сектар.
Насельніцтва[правіць | правіць зыходнік]
- 1897 год — 34 двары, 221 чалавек
- 1909 год — 36 двароў, 200 чалавек
- 1926 год — 37 двароў, 352 чалавек
- 1940 год — 89 дамоў, 240 чалавек
- 1990 год — 32 двары, 55 чалавек
- 2009 год — 18 чалавек
Вядомыя асобы[правіць | правіць зыходнік]
- Вікенцій Іосіфавіч Скардзіс (Вінцас Скарджус) (1897—1967) — гісторык, публіцыст, паэт.
Зноскі
- ↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Сафе́йск
- ↑ Harady i vëski Belarusi: ėncyklapedyja. Kn. 3: Mahilëŭskaja voblascʹ. — Minsk: "Belaruskaja ėncyklapedyja, 2009. — 539 с. — ISBN 978-985-11-0452-5.
- ↑ а б НАРБ. Ф.1440. Оп.3. Д.767. Л.222; ГАМОГ. Ф.1894. Оп.1. Д.5. Л.30.
Спасылкі[правіць | правіць зыходнік]
На Вікісховішчы ёсць медыяфайлы па тэме Сафійск
 | |
|---|---|
| Цэнтр | |
| Вёскі | Акулінцы · Васілевічы · Вялікае Бушкава · Зарэсце · Іванавічы · Іванаў Дварэц · Кісялькі · Малое Бушкава · Рыкі · Сафійск · Супанічы · Харошкі · Ходнева · Цецераўнік |