Уладзімір Аляксандравіч Заламай

Уладзімір Аляксандравіч Заламай
Старшыня Брэсцкага аблвыканкама
9 снежня 1994 — 13 сакавіка 2000
Прэзідэнт:	Аляксандр Лукашэнка
Папярэднік:	Віктар Бурскі
Пераемнік:	Васіль Далгалёў
Партыя:	КПСС
Адукацыя:	Мінскі радыётэхнічны інстытут (1968)
Дзейнасць:	палітык
Нараджэнне:	7 студзеня 1940(1940-01-07) (79 гадоў) Вёска Канчаны
Узнагароды:

Уладзі́мір Алякса́ндравіч Залама́й (нар. 7 студзеня 1940, в. Канчаны Бераставіцкага раёна Гродзенскай вобласці, БССР) — беларускі дзяржаўны дзеяч.

Біяграфія

Скончыў Ваўкавыскі заатэхнікум (1960), Мінскі радыётэхнічны інстытут (1968), Акадэмію грамадскіх навук пры ЦК КПСС (1980).

З 1968 года працаваў інжынерам на Брэсцкім заводзе электравымяральных прыбораў, начальнікам цэха, з 1973 года — сакратар парткама Брэсцкага электрамеханічнага завода, з 1980 года — першы сакратар Баранавіцкага гаркама КПБ. Узначальваў аддзел прамысловасці, з 1986 па 1989 гады быў сакратаром Брэсцкага абкама КПБ, у 1989 — 1992 — першы намеснік старшыні Брэсцкага аблвыканкама, з 29 чэрвеня 1993 года — намеснік старшыні Савета Міністраў Рэспублікі Беларусь, з 26 жніўня 1994 года — міністр па справах Садружнасці Незалежных Дзяржаў.

9 снежня 1994 года Указам Прэзідэнта Рэспублікі Беларусь быў прызначаны старшынёй Брэсцкага аблвыканкама.

13 сакавіка 2000 года быў адпраўлены ў адстаўку.

Пасля быў прызначаны кіраўніком Калінінградскага аддзялення пасольства Рэспублікі Беларусь у Расіі.

З 2008 года працаваў выканаўчым дырэктарам ТАА «Балтыйская гандлёвая кампанія».

Спасылкі

• Ганна Петрачэнка. Уладзімір Заламай: «Я пяць разоў вяртаўся ў Брэст, і ў шосты прыеду ...». Вячэрні Брэст. 28.09.2012 (руск.) 
• Ганаровыя выпускнікі Малабераставіцкай СШ (бел.) 
• НИКОМУ НЕ ДАВАЛ ПОКОЯ (руск.)