Уладзімір Аляксандравіч Зяленскі

З пляцоўкі Вікіпедыя
(Пасля перасылкі з Уладзімір Зяленскі)
Перайсці да навігацыі Перайсці да пошуку
Уладзімір Аляксандравіч Зяленскі
укр.: Володимир Олександрович Зеленський
Volodymyr Zelensky Official portrait.jpg
Сцяг6-ы Прэзідэнт Украіны
з 20 мая 2019
Кіраўнік урада Уладзімір Гройсман,
Аляксей Ганчарук,
Дзяніс Шмыгаль
Папярэднік Пётр Аляксеевіч Парашэнка
Нараджэнне 25 студзеня 1978(1978-01-25)[1][2] (44 гады)
Імя пры нараджэнні укр.: Володимир Олександрович Зеленський
Бацька Аляксандр Сямёнавіч Зяленскі[d]
Маці Рыма Зяленская[d]
Жонка Алена Зяленская[d][6]
Дзеці Аляксандра (2005 г.)
Кірыл (2013 года)
Грамадзянства Flag of Ukraine.svg Украіна
Партыя
Адукацыя
Дзейнасць сцэнарыст, юрыст, комік, вядучы, кінапрадзюсар, спявак, акцёр, тэлевядучы, тэлепрадзюсар, парадыст, гумарыст, эстрадны артыст, палітык, шоўмен, кінематаграфіст, гулец КВЗ, ваенны
Месца працы
Аўтограф Autograph-VolodymyrZelensky.png
Прыналежнасць Украіна
Род войскаў Узброеныя сілы Украіны
Званне салдат[8]
Бітвы
Узнагароды
Сайт president.gov.ua​ (укр.) ​ (руск.) ​ (англ.) 
Commons-logo.svg Уладзімір Аляксандравіч Зяленскі на Вікісховішчы

Уладзі́мір Алякса́ндравіч Зяле́нскі (укр.: Володимир Олександрович Зеленський, нар. 25 студзеня 1978, Крывы Рог) — украінскі шоўмен, камедыйны акцёр, рэжысёр, прадзюсар і сцэнарыст; палітычны дзеяч, шосты Прэзідэнт Украіны (з 20 мая 2019).

Біяграфія[правіць | правіць зыходнік]

Мае яўрэйскае паходжанне[9]. Маці — Рыма Уладзіміраўна Зяленская — працавала інжынерам. Бацька — Аляксандр Сямёнавіч Зяленскі — матэматык, праграміст, доктар тэхнічных навук, прафесар.

Мастацкі кіраўнік і нязменны лідар студыі «Квартал-95». Быў членам праўлення і генеральным прадзюсарам тэлеканала «Інтэр» (2010—2012).

На канцэрце студыі Квартал 95 у 2016 годзе ў Юрмале Уладзімір Зяленскі заявіў, што Украіна нагадвае «актрысу з нямецкага кіно для дарослых», якая «гатова прыняць у любой колькасці, з любога боку»[10]. Гэта выказванне выклікала скандал, абвінавачанні, што ў цяжкія для краіны часы ён са сцэны абражаў Украіну.

У папулярным серыяле «Слуга народа» Уладзімір Зяленскі сыграў галоўную ролю — пазітыўнага, шчырага, адданага Украіне прэзідэнта Васіля Галабародзькі[11].

Кандыдат у прэзідэнты Украіны на выбарах 2019 года, пераможца першага тура (31 сакавіка). Як заўважыў кіраўнік Фонду «Украінская палітыка» Косць Бандарэнка:[12]

"

…людзі, якія галасавалі за яго, галасавалі хутчэй за яго сцэнічны вобраз, не столькі за канкрэтнага чалавека, колькі супраць усіх астатніх палітыкаў.

"

Яго супернік у другім туры выбараў, дзейны Прэзідэнт Украіны Пятро Парашэнка, заявіў 19 красавіка ў часе дэбатаў паміж кандыдатамі на НСК «Алімпійскі», што Уладзімір Зяленскі прымярае вобраз героя з серыяла «Слуга народа», аднак насамрэч прадстаўляе інтарэсы збеглага алігарха Ігара Каламойскага[13].

У другім туры прэзідэнцкіх выбараў, які адбыўся 21 красавіка, Уладзімір Зяленскі ўпэўнена перамог, атрымаўшы 73,22 % галасоў[14].

На чале дзяржавы[правіць | правіць зыходнік]

З 20 мая 2019 года Прэзідэнт Украіны. У часе цырымоніі інагурацыі, якая прайшла ў Кіеве, Уладзімір Зяленскі заявіў, што яго першай задачай на пасадзе Прэзідэнта Украіны стане спыненне агню на Данбасе[15]. Ён таксама абвясціў аб роспуску парламента, аб зняцці недатыкальнасці з дэпутатаў, аб крымінальнай адказнасці за незаконнае ўзбагачэнне, зменах да выбарчага кодэкса, аб зняцці з пасад генпракурора, міністра абароны і іншых членаў сілавога блока.

21 мая Уладзімір Зяленскі распусціў украінскі парламент і прызначыў пазачарговыя выбары ў Раду на 21 ліпеня. На парламенцкіх выбарах партыя Уладзіміра Зяленскага «Слуга народу» атрымала пераканаўчую перамогу і паводле партыйных спісаў, і ў мажарытарных акругах[16].

Неўзабаве тэлефонная размова Уладзіміра Зяленскага і Прэзідэнта ЗША Дональда Трампа стала прычынай «украінскага крызісу» ў Злучаных Штатах Амерыкі і выклікала няўдалую спробу імпічменту Дональда Трампа.

Пасля ўварвання Расіі ва Украіну Уладзімір Зяленскі ў ноч на 25 лютага 2022 стварыў і сам узначаліў стаўку Вярхоўнага галоўнакамандуючага.

Гл. таксама[правіць | правіць зыходнік]

Зноскі

  1. ↑ Wolodymyr Selenskyj // Munzinger Personen Праверана 9 кастрычніка 2017.
  2. ↑ Czech National Authority Database Праверана 16 мая 2022.
  3. ↑ ČSFD — 2001.
  4. ↑ Volodymyr Zelensky // Encyclopædia Britannica
  5. ↑ Great Russian Encyclopedia — Большая российская энциклопедия, 2004. — ISBN 978-5-85270-320-0
  6. ↑ https://24tv.ua/volodimir_zelenskiy_yde_v_prezidenti_ukrayini_2019_reyting_biografiya_skandali_n1051052 Праверана 27 лютага 2022.
  7. ↑ https://www.britannica.com/biography/Volodymyr-Zelensky
  8. ↑ https://web.archive.org/web/20190604192513/https://mil.in.ua/v-ukrayini-zminyvsya-verhovnyj-golovnokomanduvach-zbrojnymy-sylamy/
  9. ↑ Владимир Зеленский У меня еврейская кровь и я украинец!
  10. ↑ nashaniva.by
  11. ↑ nashaniva.by
  12. ↑ svaboda.org
  13. ↑ nashaniva.by
  14. ↑ nashaniva.by
  15. ↑ nashaniva.by
  16. ↑ svaboda.org
Узята з "https://be.wikipedia.org/w/index.php?title=Уладзімір_Аляксандравіч_Зяленскі&oldid=4196937"