Хосні Мубарак

Хосні Мубарак араб. حسني مبارك‎‎
4-ы Прэзідэнт Егіпта
14 кастрычніка 1981 — 11 лютага 2011
Прэм'ер-міністр:	Ахмед Шафік
Віцэ-прэзідэнт:	Амар Сулейман (у 2011)
Папярэднік:	Анвар Садат Суфі Хасан Абу Талеб (в. а.)
Пераемнік:	Махамед Хусейн Тантаві (в. а.) Мухамед Мурсі
49-ы Прэм'ер-міністр Егіпта
7 кастрычніка 1981 — 2 студзеня 1982
Папярэднік:	Анвар Садат
Пераемнік:	Ахмад Фуад Махі ад-Дзін
15-ы Віцэ-прэзідэнт Егіпта
16 красавіка 1975 — 14 кастрычніка 1981
Прэзідэнт:	Анвар Садат
Папярэднік:	Хусейн эль-Шафей
Пераемнік:	Амар Сулейман
Партыя:	Нацыянальна-дэмакратычная партыя Егіпта
Адукацыя:	Егіпецкая ваенная акадэмія
Прафесія:	ваенны
Дзейнасць:	палітык, лётчык, ваеннаслужачы
Веравызнанне:	іслам суніцкага толку
Нараджэнне:	4 мая 1928(1928-05-04) (89 гадоў) Кафр-эль-Мусайлах, Каралеўства Егіпет
Бацька:	ас-Саід Ібрахім Мубарак
Жонка:	Сюзана Мубарак
Дзеці:	сыны: Алаа і Гамаль
Аўтограф:
Узнагароды:

Махамад Хосні Саід Мубарак (араб. محمد حسني سيد مبارك‎‎, 4 мая 1928, Кафра эль-Мусайлаха) — чацвёрты прэзідэнт Егіпта з 14 кастрычніка 1981 года па 11 лютага 2011 года.

Быў прызначаны віцэ-прэзідэнтам Рэспублікі Егіпет пасля доўгай службы ў егіпецкіх ВПС. У адпаведнасці з Канстытуцыяй прызначаны прэзідэнтам пасля таго, як прэзідэнт Садат быў забіты на ваенным парадзе 6 кастрычніка 1981 г. Сышоў з пасады ў пачатку 2011 г. пасля 18 дзён масавых пратэстаў.

Егіпет пры Мубараку

Адразу пасля свайго прызначэння правёў шэраг мерапрыемстваў па барацьбе з карупцыяй. Былі аддадзены пад суд шматлікія сваякі і набліжаныя Садата, некаторыя высокапастаўленыя дзяржаўныя чыноўнікі.

Прэзідэнт Мубарак быў пераабраны большасцю галасоў на рэферэндумах у 1987, 1993 і 1999 гадах. Галасаванне праходзіла па адзінай кандыдатуры. Неабходнасць рэферэндумаў абгрунтоўвалася захаваннем надзвычайнага становішча ў краіне, выкліканага абвастрэннем ісламскай праблемы з-за дзейнасці радыкальных арганізацый.

Мубарак перагледзеў палітыку Садата ў адносінах з апазіцыяй. З турмаў былі вызвалены некалькі сотняў членаў апазіцыйных арганізацый, змякчыў умовы дзейнасці апазіцыйных партый, ім было дазволена выдаваць уласныя газеты. У той жа час шэраг фундаменталісцкіх арганізацый былі разгромленыя, некаторыя іх члены пакараны. У прыватнасці, былі пакараныя ўдзельнікі забойства прэзідэнта Садата.

Мубарак кіраваў краінай на пасадзе прэзідэнта 29 гадоў. Пры ім было адноўлена членства Егіпта ў Лізе арабскіх дзяржаў (прыпыненае пасля падпісання Садатам егіпецка-ізраільскага пагаднення), а штаб-кватэра арганізацыі была вернутая ў Каір. Егіпет прымаў удзел у вайне ў Персідскім заліве ў 1991 г. на баку міжнароднай кааліцыі.

Ён выступаў супраць амерыканскага ўварвання ў Ірак у 2003 г., але потым не заклікаў да неадкладнага вываду акупацыйных сіл, мяркуючы, што гэта прычыніць намнога больш шкоды.

15 красавіка 2015 года з'явілася інфармацыя пра смерць Мубарака, дастаўленага ў каірскі вайсковы шпіталь «Аль Маадзі», якая была пазней абвергнута лекарамі.

Літаратура

• Беларуская энцыклапедыя: У 18 т. Т.10: Малайзія — Мугаджары / Рэдкал.: Г. П. Пашкоў і інш — Мн.: БелЭн, 2000. — Т. 10. — С. 542. — 544 с. — 10 000 экз. — ISBN 985-11-0169-9 (Т. 10).