Вірджынія

Вірджынія
англ.: Commonwealth of Virginia
Сцяг Герб
Краіна	ЗША
Уваходзіць у	ЗША
Адміністрацыйны цэнтр	Рычманд
Дата ўтварэння	25 чэрвеня 1788
Кіраўнік	Ralph Northam[d]
Насельніцтва	8 382 993 чал. (2015)
Плошча	110 862 км²
Вышыня над узроўнем мора	290 м
Часавы пояс	зона Амерыка/Нью-Ёрк[d]
Код ISO 3166-2	US-VA
Афіцыйны сайт​(англ.)
Вірджынія на Вікісховішчы

Вірджынія, Віргінія (англ.: Commonwealth of Virginia) — садружнасць у складзе ЗША, якая мае правы штата. Фактычна, дзесяты штат у складзе ЗША, адзін з так званых Паўднёва-Атлантычных штатаў. Насельніцтва — 7,2 млн чалавек (12-е месца ў ЗША; дадзеныя 2000 г.). Этнічны склад: афраамерыканцы — 19,6 %, немцы — 11,7 %, амерыканцы — 11,2 %, англічане — 11,1 %, ірландцы — 9,8 %. Сталіца — Рычманд, найбуйнейшы горад — Вірджынія-Біч, іншыя буйныя гарады — Алегзандрыя, Лінчберг, Норфалк, Ньюпарт-Ньюс, Портсмут, Хэмптан, Чэсапік.

Афіцыйныя мянушкі: «Стары дамініён» (Old Dominion) і «Маці прэзідэнтаў» (Mother of Presidents). Афіцыйны дэвіз — «Так заўсёды будзе з тыранамі» (лац.: Sic semper tyrannis!).

Геаграфія

На ўсходзе прыбярэжная забалочаная раўніна. У сушу глыбока ўразаецца Чэсапікскі заліў і эстуарыі рэк. На захадзе невысокія горы Апалачы з хрыбтом Блу-Рыдж (каля 1743 м). У цэнтры — плато Підмант. Клімат умераны, цёплы і вільготны. Тэмпература зімой апускаецца да −9 °C, летам дасягае +38 °C. Гадавая сума ападкаў 800—1200 мм. На схілах гор хваёвыя і мяшаныя лясы.

Вядомыя асобы

• Сандра Булак
• Роберт Эдуард Лі

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — 480 с.: іл. ISBN 985-11-0090-0 (т. 4), ISBN 985-11-0035-8

Спасылкі

• Афіцыйная старонка
• Эканоміка
• Геаграфія
• Гісторыя