Юозас Тубяліс

Юозас Тубяліс
Прэм'ер-міністр Літвы 23 верасня 1929 — 24 сакавіка 1938
Прэзідэнт	Антанас Смятона
Папярэднік	Аўгусцінас Вальдэмарас
Пераемнік	Уладас Міранас
Нараджэнне	9 красавіка 1882(1882-04-09) Ілгалаўкей[d], Рокішкіская сянюнія[d], Рокішкіскі раён[d], Літва
Смерць	30 верасня 1939(1939-09-30) (57 гадоў) Каўнас, Літва
Месца пахавання	могілкі Панямунес[d]
Партыя	Party of National Progress[d]
Адукацыя	Рыжскі тэхнічны ўніверсітэт
Дзейнасць	эканаміст, палітык
Юозас Тубяліс на Вікісховішчы

Юо́зас Тубяліс (літ.: Juozas Tūbelis, 9 красавіка 1882, в. Ілгалаўкі, Ковенская губерня, Расійская імперыя (цяпер — Рокішкіскі раён, Літва) — 30 верасня 1939, Каўнас, Літва) — літоўскі палітык, прэм'ер-міністр Літвы ў 1929—1938 гадах.

Біяграфія

У 1902 годзе скончыў гімназію ў Лібаве, год вучыўся на медыцынскім факультэце Варшаўскага ўніверсітэта, пасля чаго пераехаў у Панявеж. У 1908 годзе скончыў Рыжскі політэхнічны інстытут як аграном, затым працаваў па спецыяльнасці ў Коўна. З пачаткам Першай сусветнай вайны прызваны ў армію, ў 1917 годзе дэмабілізаваўся ў Варонежы, дзе прыняў удзел у стварэнні нацыянальных арганізацый літоўскіх бежанцаў, а ў 1918 годзе вярнуўся на радзіму, дзе заняў пасаду міністра сельскай гаспадаркі ў першым урадзе краіны, а ў 1919—1920 гадах быў міністрам адукацыі. Жаніцьба з сястрой жонкі тагачаснага прэзідэнта Літвы Антанаса Смятоны зрабіла яго блізкім паплечнікам апошняга.

З сыходам Смятоны з прэзідэнцкай пасады Тубяліс заняўся прадпрымальніцтвам і стварэннем сельскагаспадарчых кааператываў. Пасля здзейсненага Смятонам перавароту Тубяліс ў 1927 годзе стаў міністрам фінансаў. У 1929 годзе ён замяніў на пасадзе прэм'ер-міністра адпраўленага ў адстаўку пасля канфлікту з прэзідэнтам Аўгусцінаса Вальдэмараса. З 1931 года ўзначальваў Саюз літоўскіх нацыяналістаў(літ.) бел.. Займаў пасаду прэм'ер-міністра да 1938 года, калі падзенне асабістай папулярнасці вымусіла Смятону перамясціць Тубяліса на пасаду міністра сельскай гаспадаркі, а праз некалькі месяцаў — старшыні Банка Літвы.

Памёр у Каўнасе 30 верасня 1939 года. Пахаваны на старых гарадскіх могілках у парку Рамібес, затым астанкі былі перапахаваныя на могілках Панямунес.

Спасылкі

• Юозас Тубяліс (літ.)