Akana-NHS

З пляцоўкі Вікіпедыя
Jump to navigation Jump to search
Akana-NHS
Жанры фолк, джаз
Гады 2003 —
Краіна Flag of Belarus.svg Беларусь
Горад Мінск
Іншыя назвы NHS-Ethno, NHS-этна, NHS, Akana
Мова песень беларуская
Склад Ірэна Катвіцкая
Руся
Надзея Чугунова
Іншыя
праекты
Kazalpin, Shuma, Indiga
akana-nhs.com

Akana-NHS (2003—2007 — NHS-Ethno, 2008 — NHS (NHS — народныя харавыя спевы), таксама вядомы як проста Akana) — беларускі джаз-фолк гурт, створаны на базе Мінскага дзяржаўнага музычнага каледжа імя М. І. Глінкі ў 2003 годзе мастацкім кіраўніком Ірэнай Катвіцкай[1].

Гісторыя[правіць | правіць зыходнік]

У інтэрв’ю Русе з Еўрапейскага радыё для Беларусі Ірэна Катвіцкая ўзгадвала, што заснаваць гурт яе падштурхнула афіша канцэрту альтэрнатыўнай музыкі, у якім яна хацела прыняць удзел, дзеля чаго вырашыла хуценька напісаць для імпрэзы песню «Зіначка». Для гэтага яна ўзяла ў саратнікі сваю вучаніцу Анастасію Някрасаву, першага саксафаніста знайшлі сярод навучэнцаў, а кларнетыстам стаў выкладчык каледжу, прыяцель Ірэны[2].

У 2006 годзе гурт удзельнічае ў мінскім фестывалю «Адліга» і люблінскім «Mikołajki Folkowe(польск.) бел.», адкуль прыехаў з першым месцам і гран-пры[3][4][5].

У маю 2008 года гурт выдае першы альбом «700», прэзентацыя якога адбываецца 27 траўня ў Палацы рэспублікі[6], які атрымоўвае шмат пашаны ад «Experty.by»: бярэ ўзнагароду партала як «Лепшы дэбютны альбом» і трапляе ў топ-10 лепшых кружэлак за 2008 год па версіях «Experty.by», «Вялікага журы» і «Замежных экспертаў».

У чэрвені 2008 пасля выхаду дэбютнага альбома з гурта выдзяліўся «Гурт Насты Някрасавай» (Анастасія Някрасава, Аляксей Кулеш, Алег Багута), якія з удзелам запрошаных музыкаў стварылі свой новы калектыў, які граў у тым ліку і песні «NHS»[7]. На змену ім прыйшла вакалістка Руся і былі запрошаны новыя інструменталісты. Рок-князёўна вырашыла зрабіць пераход у сувязі з працяглым творчым адпачынкам яе гурта «Indiga» з-за ператрубацый у складзе[8].

Удзельнікі фестывалю мадэрн-фольк і фольк-рок музыкі «Folk The System» (снежань 2008 года) у Мінску[9].

Летам 2009 года склад гурта змяняецца, як запрашаюцца новыя айчынныя музыкі[10], а восенню на базе гурта быў створаны міжнародны ансабль «Akana-NHS & Albin Brun Alpin Ensemble», вядомы як «Kazalpin», дзе да беларускага вакальнага ядра гурта далучыліся швейцарскія інструменталісты[11]. Удзельнікі фестывалю Камяніца-2010.

З 2012 года гурт Akana-NHS выступае як этна трыа. У 2014 годзе гурт прыняў удзел у праекце «Тузін Гітоў» «Re:Песьняры», дзеля чаго перапрацаваў спеў «Песняроў» «Калядачкі»[12].

Ацэнкі[правіць | правіць зыходнік]

На прыгладзе працы на рэміксам на песню «Akana-NHS» «Жыта палавее» басіст «Apple Tea» Ігар Сацэвіч, перадаваў свай імпэт да «шаманства і чарадзейства» фальклорнага гурта[13].

Удзельнікі[правіць | правіць зыходнік]

Былыя ўдзельнікі
  • Анастасія Някрасава — вядучы вакал (2003—2008)
  • Канстанцін Косцін — саксафон, кларнет (2003—2008)
  • Алег Багута — саксафон (2003—2008)
  • Аляксей Кулеш — ударныя, перкусія (2003—2008)
  • Ілья Дмуха — саксафон (2008—2009)
  • Зміцер Кустаў — перкусія (2008—2009)
  • Валерый Вярэніч — кантрабас (2009—2011)
  • Павел Клімко — саксафон (2009—2011)
  • Андрэй Сатнічэнка — клавішныя (2009—2011)
  • Ягор Джэйгала — перкусія, флейта (2009—2011)

Дыскаграфія[правіць | правіць зыходнік]

Сінглы[правіць | правіць зыходнік]

Зноскі[правіць | правіць зыходнік]

  1. Безкоровайный, Д. Akana (руск.) . Experty.by. Архівавана з першакрыніцы 4 лістапада 2019. Праверана 4 лістапада 2019.
  2. Руся NHS: Сёння беларуская мова выкарыстоўваецца ў арт-тэрапіі (бел.) . Еўрапейскае радыё для Беларусі (27 мая 2008). Архівавана з першакрыніцы 26 сакавіка 2012. Праверана 4 лістапада 2019.
  3. Менскі гурт "NHS-Ethno" – пераможца фальклёрнага фэстывалю ў Любліне (бел.) . Радыё Свабодная Еўропа/Радыё Свабода (9 снежня 2006). Архівавана з першакрыніцы 4 лістапада 2019. Праверана 4 лістапада 2019.
  4. Akana (бел.) . Тузін Гітоў. Архівавана з першакрыніцы 4 лістапада 2019. Праверана 4 лістапада 2019.
  5. Грудзько, Марыя NHS-ethno - новая беларуская фолк-зорка! (бел.) . Тузін Гітоў (20 снежня 2006). Архівавана з першакрыніцы 4 лістапада 2019. Праверана 4 лістапада 2019.
  6. Руся NHS – музыка новага стагоддзя (бел.) . Еўрапейскае радыё для Беларусі (2009). Архівавана з першакрыніцы 16 верасня 2009. Праверана 6 лістапада 2019.
  7. Яр, Маша Руся: Рок-н-рол сарамліва стаіць у баку і назірае за веліччу этнічнай музыкі! (бел.) . Еўрапейскае радыё для Беларусі (28 студзеня 2009). Архівавана з першакрыніцы 26 сакавіка 2012. Праверана 6 лістапада 2019.
  8. Mechaniczny, Wiecier; Маціюн, Юры Руся пра Indiga, Akana і кропкі над «і» (бел.) . Тузін Гітоў. mpby.ru (15 лістапада 2008). Архівавана з першакрыніцы 18 лістапада 2018. Праверана 18 лістапада 2018.
  9. Тихомирова, Марина (2009). "Акана NHS - Акуна Матата!" (in ru). Jazz-квадрат (1). https://jazzquad.ru/index.pl?act=PRODUCT&id=2709. Retrieved on 2019-11-04. 
  10. Шульц, Міра Не ўпэўнены, што любіце джаз? Ці ўпэўнены, што ведаеце пра джаз усё? (бел.) . Еўрапейскае радыё для Беларусі (2009). Архівавана з першакрыніцы 26 сакавіка 2012. Праверана 4 лістапада 2019.
  11. Корсак, Андрэй Этнаспявачка Ірэна Катвіцкая: Мне здалося цікавым спалучаць дух эпохі мадэрну з традыцыйнай народнай музыкай (бел.) . БелаПАН (23 красавіка 2013). Архівавана з першакрыніцы 4 лістапада 2019. Праверана 4 лістапада 2019.
  12. Tuzin.fm Akana. Новае гучаньне фольк-клясыкі (аўдыёпрэм’ера!) (бел.) . Тузін Гітоў (2 верасня 2014). Архівавана з першакрыніцы 4 лістапада 2019. Праверана 4 лістапада 2019.
  13. Tarantino Нямецкі джаз і беларускае этна ўпершыню на адной сцэне (бел.) . Еўрапейскае радыё для Беларусі (2009). Архівавана з першакрыніцы 26 сакавіка 2012. Праверана 4 лістапада 2019.
  14. NHS "700" (ru, be). Experty.by (8 жніўня 2008). Архівавана з першакрыніцы 4 лістапада 2019. Праверана 4 лістапада 2019.
  15. Подберезский, Дмитрий NHS - 700 (руск.) . Jazz-квадрат (19 лютага 2008). Архівавана з першакрыніцы 4 лістапада 2019. Праверана 4 лістапада 2019.
  16. SB Дэбютны дыск ад гурта, якога няма (бел.) . Тузін Гітоў (13 жніўня 2008). Архівавана з першакрыніцы 28 жніўня 2011. Праверана 17 лістапада 2019.
  17. Калдун, Дзьмітры Фаварыты Дзьмітрыя Калдуна на ТГ: Дземідовіч, «Існасць» і Hair Peace Salon (бел.) . Тузін Гітоў. mpby.ru (24 кастрычніка 2009). Архівавана з першакрыніцы 4 сакавіка 2019. Праверана 19 снежня 2018.